Elektron resurslarla bağlı EBSCO məlumat bazası təqdim edilib

09-02-2016 / 12:45

Azərbaycan Milli Elmlər Akademiyasının Mərkəzi Kitabxanasında “Elektron Resursların İşlənməsi” (Electronic Resources Usage) mövzusunda EBSCO məlumat bazası xidmətlərinin təqdimatı və bu bazanın elektron resurslarından istifadə qaydalarının öyrənilməsinə  dair  tədbir keçirilib.

Xeberler.az-ın məlumatına görə, AMEA-nın elmi müəssisələrindən və ADA Universitetindən nümayəndələrin iştirak etdiyi tədbirdə EBSCO-n un Çexiyalı nümayəndəsi İrina Kreyçarova təqdimatla çıxış edib.

ABŞ-ın nüfuzlu şirkətlərindən olan EBSCO-nun qısa tarixindən danışan İ.Kreyçarova bildirib ki, şirkət aparıcı nəşriyyatların elmi resurslarının ən böyük əlaqələndiricisidir.

EBSCO təkcə ABŞ və Avropada deyil, dünyanın müxtəlif yerlərindən nəşrlərin elektron variantlarını oxuculara təqdim edir. Burada materiallar ingilis, fransız, ispan, alman, italyan və s. dillərdə təqdim edilir.

Daha sonra İ.Kreyçarova EBSCO Discovery Service-in texnoloji xüsusiyyətlərini, bazanın axtarış sistemin iş prinsiplərini nümayiş etdirib.

Tədbirdə region ölkələrdən alim və tədqiqtaçıların EBSCO ilə əməkdaşlığından da danışılıb. İ.Kreyçarova bildirib ki, Azərbaycanla region ölkələr arasında müqayisədə Qazaxıstan və Qırğızıstandan olan istifadəçilər üstünlüyü ilə fəqlənir.

İ.Kreyçarova EBSCO-nun elektron nəşrlərindən sərbəst istifadə edə bilmək və dünyada qlobal miqyas almış informasiya bazaları ilə tanış etmək üçün bu elmi bazanın təmsilçiləri tərəfindən mütəmadi olaraq treninqlərin təşkil olunduğunu da qeyd edib.

Sonda mövzu ətrafında fikir mübadiləsi aparılıb, suallar cavablandırılıb. 

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.