PROQRAMLAR

Texnoloji startap platformalarının hansı proqram vasitələrindən  istifadə etməsi  ilə bağlı məlumat paylaşılıb.

Xeberler.az xarici mətbuata istinadən məlumat verir ki, Uber,  Foursquare , Airbnb, Dropbox və digər çox sayda texnoloji startaplar Asana istifadə edir.

Rəsmi təqdimatını dünən edən Siftery startapların hansı proqram vasitələrindən istifadəsi barədə məlumat verir.

Platformada 130  min startapın istifadə etdiyi 5 min proqram vasitələri barədə məlumat var.

Uber-in istifadə etdiyi marketinq vasitələri arasında  brand24, Keyhole, Google Tag Manager, Mentimeter, Nuvo, SendGrid kimi məhsullar da var.

Yeni yaradılan platformanın istifadəsi çox asandır. Məhsulları istinadla tapa bilməyinizə yardım edən Siftery texnoloji startapların hansı proqramlardan istifadəsini göstərir.

Belə ki, korporativ mail ünvanınızı  daxil edərək (Bu zaman siz də şirkətinizin istifadə məhsulların ən azından bir hissəsini Siftery ilə paylaşırsınız) hər hansı bir proqram vasitəsinin hansı startaplar tərəfindən istifadəsini görə bilərsiniz və yaxud  da şirkət əsaslı axtarış edə bilərsiniz.

Hazırda Siftery-də 500 Startups və Y Combinator istiqamətində olan 130  min şirkətin istifadə etdiyi proqram vasitələri barədə məlumat yerləşdirilib.

Siftery-nin məqsədi təşkilati proqram istifadəçilərini bir araya gətirmək və bu istifadəçilərin məhsulları barədə  bir-birlərinə mütəxəssis səviyyədə tövsiyyə verməsini təmin etməkdir.

Qeyd edək ki, bu platformaya oxşar Product Hunt da var. 

Məltəm Talıbzadə