Azərbaycanın ilk startap akseleratoru ( biznesi sürətləndirmə) olan SUP Accelerator yeni başlamış akselerasiya proqramına seçilmiş startapların adlarını açıqlayıb.
Xeberler.az Sup-a istinadən məlumat verir ki, seçilmiş startaplar fevralın 1-dən etibarən SUP akselerator proqramının iştirakçısı olacaq.
Belə ki, proqrama Flapus, Lendock, Shrippy, Alkredit, Cevir.io startap layihələri seçilib.
SUP Azərbaycanda startapların fəaliyyətini sürətləndirmək məqsədi ilə həyata keçirilən akselerator proqramıdır.
Proqramın əsas məqsədi startapların həm ölkə həm də ölkə xaricində böyüməsinə təkan verməkdir. Sup startapların ilkin mərhələsində təhsil, təcrübə paylaşımı, maliyələşmə, texniki və marketinq dəstəyi kimi bir sıra xidmətləri təqdim edir.
Sup özünü daha çox beynəlxalq startap ekosisteminə yaxşı bələd olması və inteqrasiya olması ilə fərqləndirməyə çalışır. Proqram zamanı beynəlxalq mentorlarla yanaşı yerli uğurlu sahibkar və biznesmenlər də öz təcrübə, tövsiyyələrini startaplarla paylaşır.
Qeyd edək ki, 3 aylıq proqram ərzində startaplardan öz məhsullarını işlək vəziyyətə gətirib, kiçik də olsa, müəyyən dövriyyəni əldə etmələri tələb olunur. 3 ayın sonunda startaplar və potensial investorlarla görüşün təşkil edildiyi Demo Day keçirilir. SUP yerli startaplar üçün bir növ qaynayan qazan, təcrübələrin, biliklərin və ideyaların məcazi mənada bərabər bişdiyi və qaynadığı bir məkandır.
SUP akselerator proqramı ATL və Khazar Ventures şirkəti tərəfindən yaradılıb.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları