TƏHLİL

Azərbaycanda sosial mediada ən çox müzakirə olunan  taksi xidməti -Uber tətbiqetməsi barədə  uzun müddətdir ki araşdırma aparıram.

Məlumat üçün bildirim ki, Uber proqramının Azərbaycan nümayəndəliyi Dəmirçi Tower-də yerləşən “Uber Azerbaijan MMC”-dir.  Nümayəndəliyin maliyyə və hüquqi xidmətlərini yerli konsaltinq bir şirkətdən alırlar. Dəmirçidəki ofisdən isə əməliyyat və marketinq fəaliyyətlərini həyata keçirirlər.

Qeyd edim ki, Nümayəndəlik  taksiçilərlə  müqaviləni buradakı MMC-lərinin hesablaşma hesabı ilə  deyil, offshore-dəki şirkətləri ilə bağlayırlar. Bütün maliyyə proseslərini  isə (kartdan pul çəkmə, taksiçilərə ödəmələr, marketinq ödəmələri) offshore üstündən aparırlar.

Dövlət qanunverciliyinə əsasən, Azərbaycanda fəaliyyət göstərən hər bir şirkət ödəmələri Azərbaycan bankları üstündən almaq və göndərmək məcburiyyətindədir.  

Bu problem  Türkiyədə yaşanmışdı.  Belə ki, Türkiyə Vergilər Nazirliyi və Bankalar Birliyi Uberin Türkiyə kartlarından pul çəkməsinə qadağa qoymuşdu. Son vaxtlara qədər Uber İstanbulda ancaq nağd ödənişlər qəbul edirdi. Daha sonra Uber idarəçiləri Türkiyəyə gələrək bu məsələni qanunlar çərçivəsində həll edib pulları BKM üstündən çəkməyə başlamışdır.

Azərbaycandakı vəziyyətinə qayıtsaq, bildiyiniz kimi ölkəmizdə bir neçə virtual “ödəmə prosessinq şirkəti” var. Bəlkə API mövzularında kifayət qədər inkişaf etməyə bilərlər. Ancaq “Uber Azerbaijan MMC”-yə konsaltinq xidməti verən şirkət Uber-in baş ofislərini məlumatlandırmayıb ki, bu açıq açıq qanun pozuntusudur ?

Ayrıca taksi xidməti göstərən  hər bir şirkət Nəqliyyat Nazirliyindən xüsusi lisenziya almalıdır. 189, Dost-Taksi və  buna bənzər bir neçə şirkətlərdə həmin lisenziya var…

Bildiyiniz kimi bugün Uber öz proqram təminatı üzərindən dondurma satır. Bu mövzuya hələ toxunmuram. Gələcəkdə bu haqda yazacam. Çünkü işin içində qiymətləri baha olsada fəaliyyətini çox bəyəndiyim Mado var.

Nicat Manafov