Uşaqlar üçün smartfon və planşet təqdim edilib

26-04-2018 / 11:54

Archos şirkəti azyaşlı istifadəçilər üçün Junior qurğular seriyasını təqdim edib.

Xeberler.az xarici mediaya istinadən məlumat verir ki, bu seriyaya yaşı 3-dən yuxarı uşaqlar üçün Junior Tab planşeti və 7-dən yuxarı uşaqlar üçün Junior Phone smartfonu daxildir.

İstehsalçıların məlumatına görə, təqdim edilmiş qurğularda aparat konfiqurasiyası optimallaşdırılıb və xüsusi proqramlar quraşdırılıb: valideyn nəzarəti vasitələri və Qustodio-dan veb-səhifələrin filtri (1 il ödənişsiz), axtarış sistemi, dil, elm və incəsənətin sirlərinə yiyələnmək üçün proqramlar, musiqi dinləmək, video izləmək üçün proqram təminatı, proqramlaşdırma vasitələri.

Archos Junior Tab smartfonu 854x480 piksel təsvir ölçülü 5 düymlük ekran, 8 və 2 meqapiksellik kameralar, 1,2 GHs takt tezlikli 4 nüvəli prosessor, 1 Gb-lıq əməli yaddaş və 8 Gb-lıq daxili fləş yaddaş (microSD kartları ilə yaddaşın tutumunu artırmaq mümkündür), 2000 milliamper/saat tutumlu akkumulyatorla təchiz edilib.

Planşet 1024x600 piksel təsvir ölçülü 10,1 düymlük ekran, 0,3 və 2 meqapiksellik kameralar, 1,3 GHs takt tezlikli 4 nüvəli prosessor, 1 Gb-lıq əməli yaddaş və 8 Gb-lıq daxili fləş yaddaş (“microSD” kartları ilə yaddaşın tutumunu artırmaq mümkündür), 4000 milliamper/saat tutumlu akkumulyatorla təchiz edilib.

Hər iki qurğu Android 7 Nougat mobil əməliyyat sisteminin idarəetməsi altında işləyir. Planşet və smartfonun 2018-ci ilin iyun ayında Avropada 79,99 avroya satışa çıxarılması planlaşdırılır.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.