Nokia 8 təqdim olundu-Qiymət

17-08-2017 / 13:06

Nokia brendi üzərində hüquqa sahib HMD Global şirkəti Londonda keçirilmiş tədbirdə yeni Nokia 8 smartfonunu təqdim edib.

Smartfon 1440×2960 piksel təsvir ölçülü 5,3 düymlük displey, 8 nüvəli Snapdragon 835 prosessoru, modeldən asılı olaraq 4 və ya 6 QB-lıq əməli yaddaşla təchiz edilib.

Xeberler.az NRYTN-in elektron xəbər xidmətinə istinadən məlumat  verir ki, Məlumatların yaddaşda saxlanılması üçün 64 QB əlçatan olacaq, həmçinin "microSD" slotu nəzərdə tutulub.

Metaldan hazırlanmış korpus 4 rəngdə (parlaq mis, tutqun göy, parlaq göy və tutqun polad) əlçatandır. Bundan başqa, enerjidoldurma üçün USB Type-C portu, qulaqcıqlar üçün 3,5 mm-lik konnektor, ön paneldə barmaq  izi skaneri mövcuddur.

Bu cihaz 13 meqapiksellik ikiqat kamera ilə təchiz edilmiş ilk Android smartfondur. Ön kamera eyni təsvir ölçüsünə malikdir, amma ikiqat deyil. Kameralar "Zeiss" istehsalçısının optikası ilə təchiz edilib. Həmçinin smartfon həcmli səsin yazılması üçün Nokia OZO Audio texnologiyası ilə təchiz edilib.

Nokia 8 smartfonu sentyabrın əvvəlində satışa çıxarılacaq. Avropada smartfonun qiyməti 600 avro təşkil edəcək.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.