Startap komandaları üçün təlimlər başladı

11-04-2015 / 11:30

Bu gün Startap Azərbaycanın təşkilatçılığı ilə  “Startap Azərbaycan  2015“ müsabiqəsində iştirak edən startap komandaları üçün Yüksək  Texnologiyalar parkında təlim keçirilir.

Xəbərlər-in məlumatına görə, təlimi  giriş sözü ilə açan “Startap Azərbaycan”-nın təşkilat komitəsinin üzvü Osman Gündüz müsabiqə çərçivəsində keçirilən təlimlərin əsas məqsədindən danışıb.

O, bildirib ki, müsabiqəyə qatılan startap komandalarının startap sahəsində bilik və bacarıqlarının artırılmasına kömək etmək,  komandaların  biznes planını hazırlamaq, komanda formalaşdırmaq bacarıqlarının artırılması sahəsində təlimlərin böyük əhəmiyyəti var. Osman Gündüz qeyd edib ki, təlimlərdə həmçinin  startap layihələrinə investor axtarışı istiqamətində də  komandalarla təcrübələr bölüşüləcək.  

Təlim prosesində yerli  İT ekspertləri ilə yanaşı, beynəlxalq ekspertlər də iştirak edir.

Belə ki,  beynəlxalq eskpert,  Be Smart-ın sabiq icraçı direktoru Alex Apetrei  “Biznes – ideyalar”, “ Biznes planların tərtib edilməsi “, “İnvestor axtarışı” mövzusunda təlim iştirakçıları ilə təcrübələrini bölüşməsi gözlənilir.

Həmçinin  İT mütəxəssislər, startap sahibləri  Orxan Əhmədov və Rəşid Əliyev də təlimdə startapların inkişafı istiqamətində yerli və beynəlxalq təcrübələrini paylaşacaqlar. 

Əvvəllər ölkəmizdə müxtəlif İT strukturlarda işləyən, artıq uzun müddətdir ki,  ABŞ-da İnternet biznes sahəsində çalışan Qərib Mehdiyev öz təcrübələrini təlim iştirakçıları ilə bölüşəcək.

Onu da qeyd edək ki, təlimlərdən sonra “Startup Azərbaycan 2015” müsabiqəsində 1-ci mərhələ qiymətləndirmənin yekunu olaraq  yarımfinala çıxan startaplar yenidən biznes-planlar hazırlayaraq müsabiqəyə təqdim edəcəklər.  
2-ci mərhələ səsvermədə yarımfinalçılar ekspertlər qarşısında öz layihələri ilə bağlı təqdimatlar edəcəklər.

Ekspertlər startapların təqdimatları və təqdim etdikləri əhatəli biznes –planlar əsasında “Startap Azərbaycan”-ın finalçılarını müəyyən edəcəklər.

Bununla yanaşı, “Startap Azərbaycan “ tədbirlərinin yekununda finalçıların investorlarla qapalı görüşləri təşkil olunacaq. 

Qaliblər qiymətli hədiyyələr və diplomlarla mükafatlandırılacaq. 

Həmçinin qalib startaplar Yüksək Texnologiyalar Parkında iş şəraiti ilə təmin olunacaqlar.

Yeni Nominasiyalar üzrə təqdim edilən və qalib gələn Mobil tətbiqlər isə əlavə olaraq xüsusi mükafatlar da alacaqlar.

Startap Azərbaycan Layihəsinə Rabitə və Yüksək Texnologiyalar Nazirliyi yanında İT-nin İnkişafı Dövlət Fondu, Elektron Hökumət Portalının operatoru olan MHM və Yüksək Texnologiyalar Parkı dəstək verir. 

Startup Azərbaycan-ın Akademik partnyoru ADA Universitetidir. 
İnfiPro, SİNAM , SMART Systems, Cybernet və Happy Baku şirkətləri Startap Azərbaycan-a dəstək verirlər.

 

 

Məltəm Talıbzadə 

 

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.