İNNOVASİYA VƏ STARTAP

Fevralın 1-dən “Startup Azərbaycan 2015” Müsabiqəsinə start verilib.

Müsabiqə üçün  artıq 7 startap layihəsi qeydiyyatdan keçib.

Xəbərlər qeydiyyatdan keçən layihələrin siyahısını təqdim edir:

Portret.al (Portret.al vasitəsilə həm şəxsi, həm də yaxınlarınızın şəkillərini sistemə daxil etmək)
Love İs Aze (Love İs Aze Sevgini sübut etmək üçün mobil oyun)

Huququm.Com (Huququm.com saytı Hüquqşunas və Vəkilləri bir arada birləşdirən,həmçinin ödənişsiz online hüquq yardım)

BillBoard.az - Azərbaycanda elan saytlarında elanların yerləşdirilməsi üzrə birinci ixtisaslaşdırılmış xidmətdir! (Sayt mülk və nəqliyyat elanlarını eyni zamanda 20 ən yaxşı (popular) elan saytlarına yerləşdirir)

Photobaku Photo Editor (Photobaku - sadə və sürətli foto redaktə etmə tətbiqidir)

Token2 (Web platformalar üçün iki faktor autentifikasiya xidməti təhcizatçısı)

Wanlust App (Ətrafınızda nələrin oldugunu bilmirsiniz ? Wanlust App Köməyinizə gələcək)

“Startup Azərbaycan 2015” Müsabiqəsi ənənəvi Startup Azərbaycan Layihəsi  çərçivəsində keçirilir.

Bu il ilk dəfə olaraq Elektron Hökumət Portalı və SİNAM şirkətinin GoMap resursu üzərində hazırlanan mobil tətbiqlər də xüsusi Nominasiya üzrə Startup Azərbaycan 2015 müsabiqəsinə qatəla biləcəklər  
Startup layihələrin qeydiyyat müddəti mart ayının sonunadək davam edəcək.  Layihələr www.startup.az resursunda qeydiyyata alınır. Layihələrlə bərabər investorlar, mentorlar , developerlər və İT mütəxəssislər də bu resursda qeydiyyatdan keçə bilərlər. Müsabiqəyə təqdim edilən Layihələrin qiymətləndirilməsi  2 mərhələdə həyata keçirilir.

Qaliblərin adları may ayında keçirilməsi nəzərdə tutulan ənənəvi Satartip Azərbaycan təqdimat mərasimində açıqlanacaq.

Qaliblər  qiymətli hədiyyələr və diplomlarla mükafatlandırılacaq, onların investorlarla  görüşü təşkil olunacaq. Qalib startuplar Yüksək Texnologiyalar Parkında iş şəraiti ilə təmin olunacaqlar.

Yeni  Nominasiyalar üzrə təqdim edilən və qalib gələn Mobil tətbiqlər isə əlavə olaraq  xüsusi mükafatlar da  alacaqlar.

Startup Azərbaycan Layihəsinə  Rabitə və Yüksək Texnologiyalar Nazirliyi yanında  İT-nin İnkişafı Dövlət Fondu, Elektron Hökumət Portalının operatoru olan MHM və Yüksək Texnologiyalar Parkı dəstək verir.

Startup Azərbaycan-ın Akademik partnyoru ADA Universitetidir.  
İnfiPro, SİNAM , SMART Systems, Cybernet və Happy Baku şirkətləri  Startup Azərbaycan-a dəstək verir lər. (Geniş məlumat : www.startup.az  )

Məltəm Talıb