TEXNOLOGİYA

I Avropa Oyunlarının   kibertəhlükəsizlik  sistemi  Oyunların Telekommunikasiya təminatında mühüm sahələrdəndir.  I Avropa Oyunlarından öncə və Oyunlar zamanı kibertəhlükəsizlik və informasiya təhlükəsizliyinin təmin edilməsi məqsədilə İnformasiya Təhlükəsizliyi İdarəetmə Qrupu yaradılıb və Qrupun iclaslarında Rabitə və Yüksək Texnologiyalar Nazirliyinin (RYTN) nümayəndələri də iştirak edir.

“Məlumatların qorunması, informasiya təhlükəsizliyi və kibertəhlükəsizliyin təmin edilməsi, Oyunların keçirildiyi dövrdə dövlət əhəmiyyətli saytların müdafiəsinin gücləndirilməsi diqqət mərkəzindədir”.

Xeberler.az bildirir ki, bu barədə RYTN-nin birinci müavini İltimas Məmmədov məlumat verib.

Onun sözlərinə görə, "Baku 2015" üzrə İnternetin təşkilində bulud texnologiyasından istifadə edilib:

“baku2015.com, əhəmiyyətli dövlət saytları, digər müvafiq saytlar nəzarətdə saxlanılır, kibertəhlükəsizlik riskləri və hər hansı hazırkı, yaxud gələcək təhlükələr üzrə qabaqlayıcı tədbirlərin görülməsi də nəzərdə tutulur”.

İltimas Məmmədov qeyd edib ki,eyni zamanda, strateji saytların mühafizəsi üçün RYTN-in Elektron Təhlükəsizlik Mərkəzi (ETH)  BAOƏK və "Delta Telecom" birgə fəaliyyət göstərir.

Həmçinin DDOS hücumlarından mühafizə üçün müvafiq avadanlıqlar alınaraq "Delta Telecom"-da quraşdırılıb.

Xeberler.az