1 iyun tarixində dünyada olduğu kimi Azərbaycanda da Uşaqların Beynəlxalq Müdafiəsi Günü qeyd olunur. Bu gün uşaqların hüquqlarının qorunması, onların sağlam, təhlükəsiz və qayğıkeş mühitdə böyüməsinin təmin edilməsinə həsr olunub.
Uşaqların Müdafiəsi Gününün tarixi 1925-ci ildə Cenevrədə keçirilən Uşaqların Rifahı üzrə Beynəlxalq Konfransla əlaqələndirilir. Daha sonra müxtəlif ölkələrdə uşaqların hüquqlarının qorunmasına diqqətin artırılması məqsədilə bu günün qeyd olunması təşviq edilib. 1950-ci ildən etibarən isə 1 iyun bir çox ölkələrdə Uşaqların Beynəlxalq Müdafiəsi Günü kimi rəsmi şəkildə qeyd olunmağa başlayıb.
Azərbaycanda uşaqların hüquqlarının qorunması və onların müdafiəsi dövlət siyasətinin əsas istiqamətlərindən biridir. Uşaqlar cəmiyyətin gələcəyi hesab olunurlar və onların sağlam, təhlükəsiz və xoşbəxt böyümələri üçün müxtəlif qanunlar, proqramlar və sosial layihələr həyata keçirilir.
Əsası Ümummilli Lider Heydər Əliyev tərəfindən qoyulan uşaq-gənclər siyasətini Prezident İlham Əliyev uğurla davam etdirir, uşaqlara hərtərəfli diqqət və qayğı göstərilir. Eyni zamanda, şəhidlərimizin ailə üzvləri və onların yadigarları dövlətin hər cür diqqət və qayğısı ilə əhatə olunublar.
BMT tərəfindən qəbul olunmuş Uşaq Hüquqları Konvensiyasına Azərbaycan da qoşulub. Bununla ölkəmiz uşaqların hüquqlarının beynəlxalq standartlara uyğun qorunmasını üzərinə götürüb.
Pərvin Əli
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları