ABŞ-ın Kaliforniya ştatında müəllimləri olmayan universitet fəaliyyətə başlayıb.
Profilini informasiya texnologiyaları təşkil edən ali məktəbdə tələbələr özləri bir-birini öyrədəcək.
Xeberler.az RYTN-in elektron xəbər xidmətinə istinadən məlumat verir ki, universitet “Avtostopla qalaktika boyu” fantastik romanında xüsusi kompüterin həyatın əsas məsələsi kimi 42 rəqəmini müəyyənləşdirdiyi epizoda uyğun olaraq 42 adlanır.
Xüsusi təchiz edilmiş auditoriyalarda yerləşdirilən min tələbə müəllimlərin köməyi olmadan kodlaşdırma və proqramlaşdırma dillərini öyrənir. Dərslər standart mühazirə və zaçotlarsız keçir, tələbələr sadəcə xüsusi kompüter şəbəkəsində bir-biri ilə təcrübə və biliklərini bölüşürlər. Həmçinin onlar müstəqil şəkildə birgə layihələr hazırlayır və bir-birinin dərslərini yoxlayırlar.
İlk baxışdan elə görünə bilər ki, belə sistem müsbət nəticə verməyəcək. Lakin Parisdə fəaliyyət göstərən oxşar universitet artıq effektivliyini göstərib.
Hazırda Fransa universitetinin məzunları IBM, Amazon.com və Tesla kimi dünyanın məşhur şirkətlərində çalışır və ya uğurlu biznesə sahibdirlər. Məsələ ondadır ki, 42 Universitetinə gələcəkdə həqiqətən proqramçı olmaq istəyən və öz həyatını informasiya texnologiyalarsız təsəvvür etməyən gənclər daxil olurlar.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri