Tələbələr üçün yenilik: Virtual universitet kartı yaradılır

20-08-2015 / 12:05

Azərbaycan Dövlət Aqrar Universitetində ölkədə ilk dəfə Virtual Universitet  Kart sistemi yaradılır.

Universitetdən Xeberler.az-a verilən məlumata görə, virtual kartlar maqnitli olacaq. Belə ki, tələbələr bu kart ilə təhsil müəssisəsinin  şöbələrindən onlara lazım olan məlumatları  şöbələrdə yerləşdirilmiş  “card reader” (kart oxuyucusu) vasitəsi ilə əldə edəcək.

Tələbələr kartları oxuyucu cihazlarına yaxınlaşdıranda cihaz informasiyaları birbaşa çap  edəcək. Sistem isə tələbə bazası ilə  çalışacaq. Kartların üzərində tələbənin elektron anketinin kodu da olacaq. 

Kartla  sistemə giriş isə tələbənin şəxsiyyət vəsiqəsinin kodu ilə mümkün olacaq.

Universitetdən Xeberler.az-a bildirilib ki, tələbələr təqaüdlərini virtual kartla alacaqlar. Həmçinin bu tətbiq universitetin işci heyəti və müəllimləri üçün də nəzərdə tutulub. Sistemə bu il e-sənəd xidməti də əlavə ediləcək.

Qeyd edilib ki, sentyabrdan  universitetə yeni qəbul olmuş tələbələrə virtual kartla tələbə bileti veriləcək. Bunun üçün hazırda  universitetin rəhbərliyi ilə birgə hazırlıqlar davam edir. 

 

Məltəm Talıbzadə

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.