Bir müddət əvvəl məlumat verdiyimiz kimi, Azərbaycan Dövlət Neft və Sənaye Universitetində startap məktəbi yaradılması istiqamətdə işlər davam edirdi.
Sabahdan Azərbaycan Dövlət Neft və Sənaye Universitetində startap məktəbi fəaliyyətə başlayır.
Bu barədə Xeberler.az-a universitetdən məlumat verilib.
Məlumata görə, məktəbin əsas məqsədi yaradıcı gənclərin öz ideyalarını layihələndirib kommersiya məqsədli biznes strukturuna çevirməkdir.
Qeyd edilib ki, startap məktəbinin ilk mərhələsi marta qədər davam edəcək. May-iyun aylarında başa çatacaq ikinci mərhələdə isə konkret layihələr üzərində işlənəcək.
Yayda keçiriləcək festivalda ən yaxşı layihələr seçiləcək, onlara sərmayə qoyulmaqla biznes inkubasiyası dövründə inkişaf etdiriləcək. Sözügedən müddət ərzində layihələrdə nəzərdə tutulan son məhsullar, prototiplər və s. hazırlanaraq, onların kütləvi istehsalı və tətbiqini başlanacaq.
Beləliklə, tələbələr və məzunlar öz ideyalarını reallaşdıra, öz layihələri ətrafında biznes strukturu yarada biləcəklər.
Tədris Azərbaycan, İsrail və Ukraynadan olan mütəxəssislər tərəfindən aparılacaq. Dərslər axşam 18.00-dan sonra başlayacaq.
Startap məktəbində iştirak üçün təhsil haqqı tələb olunmur. Digər ali məktəblərin tələbələri və ya tələbə olmayan şəxslər də startap məktəbinə yazıla bilər.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları