“Ağıllı” divar kağızları zəng etməyə imkan verəcək

27-04-2015 / 15:49

Sinqapurun Nanyansk Texnologiya Universitetinin (NTU) alimləri evin divarlarını miniatür səs gücləndirici və mikrofon kimi rəqəmsal qurğulara çevirməyə imkan verən çap elektronikasının yeni növünü yaradıblar.

Xəbərlər-in xarici mətbuata istinadən verdiyi məlumata əsasən, mürəkkəb elektron sxemləri istənilən səthdə çap etmək, material kimi kağız, alüminium və nazik plastik örtükdən istifadə etmək olar.

“Ağıllı” elektronikanı, hətta divar kağızının üzərində çap etmək mümkündür”, deyən NTU-nun professoru Cozef Çanın fikrincə, yeni elektronika kompüteri yalnız səsin köməyi ilə idarə etmək arzusunda olan yaşlı insanlar üçün daha faydalı olacaq.

Onun sözlərinə görə, divarla “danışarkən” divar insana səs gücləndiricilər vasitəsilə cavab verir. “Ağıllı” divar kağızları zəng etmək funksiyasına da malikdir.

Qeyd edək ki, yeni texnologiyanın səhiyyə və digər sahələrdə tətbiq olunması nəzərdə tutulur.

Sevinc Çəltikova


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.