Apple 78 milyondan çox iPhone satıb

01-02-2017 / 12:15

İlin ilk rübünün maliyyə nəticələrini açıqlayan Apple iPhone satışlarında rekord qırıb.

Belə ki,  ümumi olaraq 78.3 milyon iPhone satmağı bacaran Apple 2016-ci ilin eyni dövründə 51.6 milyard dollar olan iPhone gəlirlərini 54.4 milyard dollara qaldırmağı bacarıb.

Xeberler.az şirkətə istinadən məlumat verir ki, ümumi 17.8 milyard dollar mənfəət əldə edən Apple-ın 2017-ci ilin ilk rübündə gəliri isə 78.4 milyard dollar olub.

Qeyd edək ki, Apple iPhone mövzusunda həm gəlirlərini, həm də satışlarını 5 faiz artırmağı bacararaq rekord qırıb. Bununla da şirkət Wall Street analitiklərinin 76.3 milyonluq iPhone satış təxminini də geridə buraxmış oldu.

Açıqlamasında bu günə qədər ən çox iPhone satışı həyata keçirdiyini deyən Apple CEO-su Tim Cook iPhone, xidmətlər, Mac və Apple Watch gəlirlərində də rekord qırdıqlarını da əlavə edib.

Belə ki, iPhone satışları ciddi fazilə artım göstərsə də, iPad-ların satışında azalma müşahidə edilir. Şirkət ilin ilk rübündə 19 fazilik azalma ilə 3.1 milyon iPad sata bilib.

Apple iPad modellərindən 5.5 milyard dollar gəlir əldə edib. Qeyd edək ki, bu rəqəmi 2016-nın ilk rübü ilə müqayisədə 22 faiz azalıb.

2016-cı ilin sonlarına doğru təqdim edilən Macbook Pro modelləri sayəsində 1 faiz  artım göstərən Mac satışları 5.4 milyona yüksəlib.

Beləliklə, gəlirləri 7 faiz artan Mac məhsulları ümumi olaraq Apple-a 7.2 milyard dollar qazandırıb.

 

 Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.