Avropanın aparıcı İnternet mağazaları nə qədər qazanc əldə edib?

22-06-2015 / 20:24

Elektron ticarətə həsr edilən Internet Retailer bloqu Avropanın aparıcı İnternet mağazalarının illik reytinqini dərc edib.

Xeberler.az RYTN-nin rəsmi saytına istinadən məlumat verir ki, ilk onluğa Amazon, Otto Group, Tesco Stores, Staples, Apple, Home Retail Group, Cnova, Zalando, Asda və Direct mağazası daxildir. 2014-cü ildə Top-500-ə daxil olan bütün internet mağazalarının ümumi satışı əvvəlki illə müqayisədə 15,6 faiz artaraq 124 milyard avro təşkil edib. Avropanın Top-500-nə daxil olan İnternet mağazaları Avropada bütün elektron ticarətin 29 faizini generasiya edir.

Reytinqə görə, Amazon 21 milyard avroluq internet satışı ilə mütləq lider olmaqla ikinci pillədə qərarlaşan və 2014-cü ildə satış həcmi 6,5 milyard avro təşkil edən Otto Group şirkətini geridə qoyub. Amazon həmçinin satış həcmini 20 faiz artırdığına görə siyahının ilk onluğunda ən sürətlə inkişaf edən şirkətdir. Müqayisə üçün qeyd edək ki, Отто və Tesconun satışı müvafiq olaraq 8,3 və 11,1 faiz yüksəlib.  

Lakin Amazon Avropanın elektron ticarət bazarının Top-500-də ən sürətlə inkişaf edən şirkət deyil. Burada birincilik Türkiyənin onlayn geyim və aksessuar satışı ilə məşğul olan Morhipo pərakəndə satış şirkətinə məxsusdur. Şirkətin satışı ötən il 116,7 faiz - 65 milyon avroyadək artıb. Ən sürətlə inkişaf edən şirkətlər arasında Wikimart (Rusiya), Elgiganten(Danimarka), Claire’s (Böyük Britaniya) və Hepsiburada.com”(Türkiyə) yer alıb.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.