Azərbaycan layihələrin qlobal reyestrinin yaradılmasının təşəbbüskarı ola bilər

27-06-2019 / 15:36

Xeberler.az bildirir ki, Bu haqda BMT Dövlət xidmətləri forumunun yekunu olaraq Azərbaycan innovasiyaların ixraçı konsorsiumunun Müşahidə Şurasının sədri və SINAM şirkətinin prezidenti Elçin Əliyev bildirmişdir. Forum çərçivəsində yaradılan Assosiasiyaya artıq Azərbaycan, Mərakeş, Monteneqro, İndoneziya, Əfqanıstan, Türkiyə, Uqanda və BƏƏ qoşulmuşdur. 

Onun sözlərinə görə, belə reyestrin yaradılması dünyanın istənilən hissəsində yerləşən ölkələrə dövlət-özəl tərəfdaşlığı əsasında yaradılıb uğurla tətbiq edilən layihələri yaxından öyrənməyə şərait yaradacaqdır. 

Faktiki olaraq hər bir hökumət dövlət-özəl tərəfdaşlığı çərçivəsində olan layihələrin tətbqinin üstünlükləri, istifadə edilən texnologiya haqqında məlumat və digər ölkələrin bu istiqamətdə uğurları ilə yaxından tanış olacaqdır. 

Azərbaycanın bu reyestrdə yetərincə təmsil olunacağı şübhəsizdir. Çünki ölkədə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və digər dövlət qurumlarının iştirakı ilə dövlət-özəl tərəfdaşlığı modeli çərçivəsində müxtəlif mürəkkəb layihələr tətbiq edilmişdir. 

E.Əliyevin bildirdiyinə görə, dövlət-özəl tərəfdaşlığı modeli çərçivəsində reallaşdırılan uğurlu layihələrə ASAN Vizanı, Elektron Sənəd Dövriyyəsini, Büdcə təşkilatlarının resurslarının idarə edilməsi sistemini (SERP),  Elektron İmzanı, AzNav Milli Naviqasiya Sistemini və s. aid etmək olar. 

E.Əliyev hesab edir ki, misal üçün bu reyestrdə ASAN Viza elektron viza qeydiyyatı sistemi layihəsinin yerləşdirilməsi, bütün ölkələrə sistemin texnoloji üstünlükləri və turizm sektoruna müsbət təsiri ilə yaxından tanış olmağa imkan verəcəkdir. Bu layihənin Azərbaycanda uğuru ilə tanış olandan sonra ölkələr elektron viza qeydiyyatı sisteminin tətbiqi üçün Azərbaycana müraciət edə bilərlər. Çünki ASAN Viza artıq bir neçə il uğurla tətbiq olunur və beynəlxalq səviyyədə yüksək qiymətləndirilmişdir. 

Qeyd etmək lazımdır ki, dövlət-özəl tərəfdaşlığı (public private partnership) modeli çərçivəsində dövlət təşkilatları və özəl biznes hər-hansı bir dövlət xidmətinin yaradılmasında tərəfdaş kimi çıxış edir. Bu model çərçivəsində biznes xidmətin yaradılması və dəstəyini öz üzərinə götürür və büdcə vəsaitlərinin qənaəti təmin olunur. Özəl sektor tərəfindən qoyulan investisiyalar xidmətin istifadəsi mərhələsində geri qaytarılır.

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.