Kommunal xidmətlərin inkişafına və ağır sənaye və maşınqayırmanın inkişafına dair Strateji Yol Xəritəsinə aid Tədbirlər planı çərçivəsində Energetika Nazirliyinin yerinə yetirəcəyi vəzifələr üzrə yaradılmış işçi qrupunun toplantısı keçirilib.
Nazirliyin mətbuat xidmətindən Xeberler.az-a verilən məlumata görə, iclasda kommunal xidmətlərin inkişafına dair Strateji Yol Xəritəsinin 4 strateji hədəfini, 10 prioritet istiqamətini əhatə edən 20 tədbirin, eləcə də ağır sənaye və maşınqayırmanın inkişafına dair Strateji Yol Xəritəsi üzrə bir tədbirin əsas icraçısı kimi Energetika Nazirliyinin əlaqələndiriciliyi ilə 2017-ci ildə görüləcək işlər müzakirə edilib.
Qeyd edilib ki, nazirliyinin tabeliyində Alternativ və Bərpa Olunan Enerji Mənbələri üzrə Dövlət Agentliyi publik hüquqi şəxs milli istehsal portfelinin şaxələndirilməsi məqsədilə alternativ və bərpa olunan enerji potensialını ilin sonuna qədər qiymətləndirməlidir.
Agentlik və Azərenerji ASC tərəfindən investisiya qoyuluşu tələb olunan elektrik stansiyalarının istismar və maliyyələşmə formaları ikinci rübdə müəyyənləşdirilməlidir.
Dayanıqlı və etibarlı istilik təchizatı infrastrukturunun yaradılması məqsədilə alternativ enerji mənbələrindən istifadə, enerji potensialının müəyyənləşdirilməsi, istilik təchizatı sahəsində institusional tədbirlərin həyata keçirilməsi ilə bağlı müzakirələrin ilin dördüncü rübündə mümkünlüyü ifadə edilib. Bu sahədə normativ hüquqi bazanın təkmilləşdirilməsi ilə bağlı tədbirlərin həyata keçiriləcəyi qeyd edilib.
9 fevral 2017-ci il tarixində “Milli iqtisadiyyat və iqtisadiyyatın əsas sektorları üzrə strateji yol xəritələri”nin Energetika Nazirliyi üzrə icrasını təmin etmək məqsədilə energetika naziri Natiq Əliyevin müvafiq əmri ilə işçi qrupu yaradılıb.
Tədbirlər Planında nəzərdə tutulan işlərin müəyyən edilmiş müddətlərdə yerinə yetirilməsi və bu sahədə ortaya çıxan problemlərin aradan qaldırılmasına kömək məqsədilə işçi qrupu Energetika Nazirliyi, ARDNŞ, Azərenerji ASC, Azərişıq ASC, Azəristiliktəchizat ASC-nin nümayəndələri və müstəqil ekspertlərdən təşkil olunub.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları