Azərbaycanda şirkətlər niyə kiber hücuma məruz qalır?

09-11-2017 / 11:53

Dünyada şirkətlərin, bankların tez-tez kiber hücuma məruz qaldığının şahidi oluruq.

Bu hücumlar şirkətin faliyyətinə böyük zərbə vurur. Belə ki,  hər dəfə şirkətlər kiber hücum nəticəsində böyük miqdarda gəlir itirir.

Dünyada belə hücumlara qarşı müxtəlif tədbirlər görülür. Hücuma məruz qalan şirkət bunun səbəblərini araşdırır və dərhal ciddi tədbir görür.

Azərbaycanda da son dövrlər belə hallar baş verir. Şirkətlər, xüsusən banklar kiber hücuma məruz qalır. Müşahidələrimiz göstərir ki, bu şirkətlər hücumun qarşısını almaqda çətinlik çəkir.

Bununla bağlı problemlər nədir? . Azərbaycanda şirkətlər niyə bu kimi hücumlara qarşı tədbir görməkdə tənbəllik göstərir?

Kaspersky Lab şirkətinin ölkəmizdəki nümayəndəsi Müşfiq Məmmədov 2017-ci ilin 10 ayı ərzində Azərbaycanda 5,5 min korporativ istifadəçi kiber hücumlara məruz qaldığını deyib.

Onun sözlərinə görə, orta hesabla, hər bir istifadəçi 50 hücuma məruz qalıb.

Müşfiq Məmmədov bildirib ki, əslində şirkətlərə belə hücumlar işçilərin səhvi ucbatından olur:

“Əksər vaxt içilərin hansısa lazım olmayan linklərə keçid etməsi, naməlum ünvalardan aldıqları elektron məktubları açmaqları nəticəsində hücumlar başlayır və ondan sonra inkişaf edir”.

Müşfiq Məmmədovun sözlərinə  görə, dünyada təcrübə belədir ki, şirkət hücumların qarşısını almaq üçün ilk növbədə işçilərini təlimatlandırır, onlar üçün maarifləndirici təlimlər keçir:

“İşçilərinin hazırlığı üzərində işləmək şirkətlər üçün vacibdir. Şirkətlər qeyd edilən məsələ ilə hansısa tədris proqramı hazırlamalıdır. Hazırda dünyada bu sahədə ciddi işlər görülür. Təəssüf ki, Azərbaycanda bu təcrübə düzgün səviyyədə tətbiq edilmir”.

Şirkət rəsmisi vurğulayıb ki, şirkətlər bunun əvəzinə böyük miqdarda yatırım edərək yeni avadanlıq, təhlükəsizlik proqramı almağı üstün tutur:

“Halbuki, əvvəlcədən hazırlıq görülüb, işçiləri daha yaxşı hazırlasalar, belə haker hücumlarının həyata keçirilməsi ehtimalı aşağı düşəcək. Bununla şirkətlər həm də büdcələrinə qənaət etmiş olacaq”.

O, kibertəhlükəsizliyi təmin etmək üçün kompüterlərdə yalnız antivirus proqramlarının quraşdırılmasının kifayət etmədiyini vurğulayıb.

Məltəm Talıbzadə

 

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə