Azərbaycanın informasiya məkanı kiber təhdidlərdən nə dərəcədə qorunur?

01-03-2021 / 13:13

Hazırki dövrdə İnformasiya məkanının təhlükəsizliyi prioritet mövzulardan biridir. Bu mövzu ilə bağlı Cybero şirkətinin direktoru Orxan Səidli ilə həmsöhbət olduq. Həmin müsahibəni sizə təqdim edirik:

1. Təhlükəsizlik məhsullarınız hansı müasir həllərə əsaslanır?

-Təhlükəsizlik məhsullarımız insan beynidir. Biz alət və avadanlıqlardan daha çox manual kod analizi ilə boşluqların aşkarlanması,tapılması həyata keçirir və bu problemlərin necə aradan qaldırılmasını tövsiyə edirik.Proqram təminatları isə bunları ya etmir ya da false positive və false negative-lər ilə dolu olur. Bu səbəbdən xüsusi olaraq sadəcə hansısa məhsulun istifadə olunması ilə təhlükəsizliyə nəzarət və ya audit tövsiyə etmirik,yanaşma kompleks olmalıdır.

2. Sizcə, Azərbaycanın informasiya məkanı kiber təhdidlərdən nə dərəcədə
qorunur?

-Azərbaycan informasiya məkanının kiber təhdidlərdən qorunma səviyyəsi çox rəngarəngdir. Yəni sahələr üzrə bir-birindən çox fərqlənən həm çox təhlükəli həm də çox güclü mühafizə olunan müxtəlif sahələr görmək olar. Ümumi olaraq qeyd etmək lazım gələrsə, informasiya sistemlərinin qorunması insanların özlərini qorumasından daha təkmil həyata keçirilir. Bu sahədə vətəndaşlarımızın ayıqlıq səviyyəsinin yüksəldilməsi üçün maarifləndirmə işlərinin artırılmasına ciddi ehtiyac var.

3. Cybero Azərbaycanın xarici təhlükələrdən qorumağa necə töhfə verir?

-Cybero mütamadi təhlükələr barədə öz sosial media səhifəsindən vətəndaşları xəbərdar edir, məlumatlandırma və maarifləndirməni həyata keçirir. Eyni zamanda illik hesabatlar dərc etdirərək sahə üzrə problemlərə diqqət cəmləyir. Həmçinin Cybero mütəxəssislərinin özlərinin aşkar etdiyi boşluqlar barədə müvafiq informasiya sistemi sahibləri məlumatlandırılır və boşluqların aradan qaldırılması üçün tövsiyələr verilir. Bununla yanaşı Cybero mütamadi olaraq ödənişli eləcə də ödənişsiz sosial maarifləndirmə fəaliyyətini həyata keçirir. Düzdür, pandemiyanın gətirdiyi məhdudiyyətlərin fonunda şirkətimiz bir sıra işçilərini və Kibertəhlükəsizlik Mərkəzini saxlamaqda çətinlik yaşadı və hələlik fəaliyyətini minimal səviyyəyə endirmiş formada davam etdirir. Dövlət dəstəyi olarsa bu sahədə daha ciddi fəaliyyətlərlə ölkədəki sahə üzrə missiyamızı davam etdirə bilərik.

4. Cybero Azərbaycanın azad edilmiş ərazilərində rəqəmsal ekosistemin
yaradılmasına hansı töhfələr verə bilər?

-Bilirsiniz ki, düşmən ölkə qurduğu Tumo mərkəzləri ilə artıq 19000-ə yaxın yeniyetməni sahə üzrə hazırlamış və hazırlamaqda davam edir. Bu yeniyetmələr isə gələcəkdə sahə üzrə ölkəmizin düşmən ölkə ilə müqayisədə kadr azlığı yaşamasına gətirib çixaracaq. Bu səbəbdən istər işğaldan azad olunmuş ərazilərdə, istərsə də digər ərazilərdə sahənin inkişafı ekosistemin formalaşdırılması və ixtisaslaşmış kadr potensialının hazırlanması üçün nəinki Cybero hər birimiz əlimizdən gələni etməliyik. Cybero da bacardığı qədər sahə üzrə hər bir əməkdaşlığa və dəstəyə hazırdır.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə