“Azercell” şirkəti və ABŞ səfirliyi azərbaycanlı jurnalistlər üçün ingilis dili kursları keçirir

04-02-2009 / 13:02

“Azercell”-dən Xeberler.az-a verilən məlumata görə, “Azercell Telekom” MMC və ABŞ-ın Azərbaycandakı səfirliyi jurnalistlər üçün ingilis dili üzrə xüsusi kurslara sənədlərin qəbulunun başladığını elan edir. Yeddi ay davam edəcək kurs ixtisaslaşmış ingilis dili müəllimləri tərəfindən aparılacaq. Bu müddət ərzində media nümayəndələrinə ingilis dili öyrədilməklə yanaşı bu dildə xəbər hazırlamaq və məqalə yazmaq  bacarıqlarının inkişaf etdirilməsi istiqamətində də dərslər keçiriləcək.

Kurslarda çap, elektron və teleradio KİV-də çalışan peşəkar jurnalistlər iştirak edə bilərlər. İngilis dili təlimləri bu ilin fevral - avqust aylarında Bakıda keçiriləcək. Bir neçə dil səviyyəsi olan jurnalistlər üçün nəzərdə tutulmuş kurslarda iştirak etmək məqsədilə  namizəd seçiləcək və onlarla Seçim Komitəsi tərəfindən müsahibə aparılacaq.

Kurslarda iştirak etmək istəyənlərin jurnalistikada ən azı iki il iş təcrübəsi olmalıdır. Bundan əlavə, KİV nümayəndələri 7 aylıq kurslarda müntəzəm iştirak edəcəklərinə dair təmsil etdikləri qurumun rəhbərinin məktubunu və son 3 ay ərzində hazırladıqları jurnalist materiallarının nümunələrini təqdim etməlidirlər. Təlimlərdə iştirak şərtləri ilə ətraflı tanış olmaq, ərizə formasını doldurmaq üçün www.azercell.com ünvanına müraciət etmək mümkündür.
          
Qeyd edək ki, “Azercell Telekom” MMC ötən il də jurnalistlər üçün ingilis dili kursları təşkil etmişdi. İlk təlimdə üç səviyyə üzrə 30-dan çox KİV nümayəndəsi dil bacarıqlarını artırmaq imkanı qazanmışdı.
          
Bu kurslar şirkətin Azərbaycanda keyfiyyətli jurnalistikanın inkişafına yönələn və “İnkişafı Paylaşmaq Platformu” adlanan yeni strategiya çərçivəsində reallaşdırılır. 2007-ci ilin əvvəlindən etibarən həyata keçirilən bu strategiyanın əsas məqsədi regionun aparıcı telekommunikasiya şirkəti kimi “Azercell”in əldə etdiyi inkişafı cəmiyyətin güzgüsü sayılan mətbuatla paylaşmasından ibarətdir. İndiyə qədər “İnkişafı Paylaşmaq Platformu” strategiyası çərçivəsində müstəqil və güclü medianın inkişafına yönələn müxtəlif layihələr həyata keçirilib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.