“Azercell Tələbə Proqramı”nın təqdimatı keçiriləcək

20-10-2015 / 16:50

UNEC-də “Azercell Tələbə Proqramı”nın təqdimatı keçiriləcək.

Xeberler.az bildirir ki, oktyabrın 21-də Azərbaycan Dövlət İqtisad Universitetində proqram haqqında ətraflı məlumat veriləcək.

Azercell Telekom MMC Azərbaycanda təhsil alan tələbələrə aylıq təqaüd almaq imkanını təqdim edir. Tələbə Proqramı 2015 üzrə qalib gələn tələbələr ali təhsillərinin sonunadək 200 AZN məbləğində aylıq təqaüd almaqla yanaşı, telekommunikasiya sahəsi haqda biliklərini artırmaq, şirkətin korporativ tədbirlərinə və sosial fəaliyyətlərinə dəvət almaq, müxtəlif təlimlərdə iştirak etmək və şirkətdə təcrübə keçmək şansını əldə edəcəklər.

Azercell Tələbə Proqramının məqsədi:
- Müvəffəqiyyətlə təhsil alan və akademik fərq yaradan tələbələrə xüsusi qayğı göstərmək,
- Yüksək potensiallı tələbələrin gələcəkdə peşəkar kimi formalaşmasına dəstək olmaq,
- Korporativ sosial məsuliyyətli fəaliyyətlərimiz çərçivəsində cəmiyyətimizə töhfə vermək.
Kimlər müraciət edə bilər?
- Ali təhsil ocaqlarının bakalavr pilləsinin son iki kursunda təhsil alan və yaxşı qiymətləri olan tələbələr;
- Yalnız Azərbaycan Respublikasının ali məktəblərinin tələbələri
- Yalnız Azərbaycan Respublikasının vətəndaşları

Proqrama müraciətlərin son qəbul tarixi – 25 Oktyabr 2015-ci il.
Sual və əlavə məlumat üçün [email protected] e-mail ünvanına və (012) 4967007 telefon nömrəsinə müraciət edə bilərsiniz.

Təqdimatda iştirak yalnız qeydiyyat əsasında mümkündür.

 

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.