Bakıda Startap Günləri davam edir-Foto

24-02-2018 / 14:00

Məlumat verdiyimiz kimi, Qərbi Kaspi Universitetində Startap Günləri keçirilir.

Hazırda Startap Günlərinin 2-ci günü davam edir.

Xeberler.az-ın məlumatına görə,  bu gün gənc startapçılar üçün beynəlxalq və yerli ekspertlərin iştirakı ilə təlimlər keçirilib.

Belə ki, Türkiyədən gələn mütəxəssis Bəhman Hüseynli seçilmiş 6 komandaya “Markalaşama” ilə bağlı ətraflı məlumat verib.

O, startapların uğur qazamasında markanın formalaşmasının böyük əhəmiyyət kəsb etdiyini deyib.

Startapçı Orxan Əhmədov isə yeni startapların təqdimat məsələsi barədə danışıb. O, iştirakçılara prototiplərin hazırlanmasını izah edib.

Hazırda  komandalar mentorların və ekspertlərin köməyi ilə bizes ideyaların reallaşması üzrə layihələrinin ilkin variantlarını hazırlamağa davam edir.

Ekspert və mentorlar komandalara birbaşa dəstək və məsləhətlər verir.

Belə ki, Orxan Əhmədov, Rəşid Əliyev, Rəşad Əliyev, Kamran İmaməliyev, Azər Nəzərov  Rasim Abdurahman, Elşad Yusifli , Bəhman Hüseynli, Hüseyn Hüseynzadə  komandlara layihələrinin təqdimatının hazırlamasına kömək edir.

Qeyd edək ki, bu gün, yekunda bu layihələrin münsiflər qarşısında təqdimatları və yarışı təşkil olunacaq.

Layihələr peşəkar münsiflər heyəti tərəfindən qiymətləndiriləcək.

Mükafatlandırma mərasimində isə qaliblərə Nəqliyyat, Rabitə və Yüksək Texnologiyalar Nazirliyinin, Qərbi Kaspi Universitetinin, eləcə də təşkilatçıların qiymətli hədiyyələri, diplomlar və sertifikatlar təqdim olunacaq.

Qeyd edək ki, Startap Günlərinin keçirilməsində məqsəd ölkədə milli startap infrastrukturunu inkişaf etdirmək, yeni startapların yaradılmasına kömək etmək, bu istiqamətdə onlara informasiya-metodiki dəstək vermək və startapçılar arasında əlaqələri gücləndirməkdən ibarətdir.

Qərbi Kaspi Universitetinin keçirdiyi Startap Günlərinə Nəqliyyat, Rabitə Yüksək Texnologiyalar Nazirliyi rəsmi, Startap Azərbaycan Təşkilat Komitəsi, , İT-nin İnkişafı Dövlət Fondu, Yüksək Texnologiyalar Parkı təşkilati dəstək verir.

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.