“Böyük Həcmli Verilənlərin Günü 2015” konfransı keçiriləcək

13-05-2015 / 10:28

Bakıda  ilk dəfə “Böyük Həcmli Verilənlərin Günü 2015” (Big Data Day Baku 2015)  konfransı  baş tutacaq.

Xeberler.az-ın  məlumatına görə, “Big Data Day Baku 2015 “ Azərbaycanda Böyük Həcmli Verilənlər - BHV (Big Data) sahəsində təşkil olunacaq ilk tədbir olacaq.

Bir günlük konfrans Qafqaz Universiteti Texnoparkı nəzdində fəaliyyət göstərən CeDAWI (Center of Data Analytics and Web Insights) araşdırma mərkəzi, IEEE Kompyuter Cəmiyyətinin Azərbaycan şöbəsi təşkilatçılığı və bir sıra Oracle, EMC, Micrisoft, Azercell, ATL Group kimi tanınmış xarici və yətli şirkətlər iştirakı ilə mayın 16-da Qafqaz Universitetində keçiriləcək.

Universitetdən Xəbərlər-ə bildirilib ki, dünya trendlərinə uyğun olaraq Azərbaycanda İnternet istifadəçiləri sayının, emal olunan verilənlərin həcminin və İnternet əsaslı xidmətlərin artması nəticəsində əsas 3 problem ortaya çıxır: həcm, müxtəlifik və sürət. Verilənlərin həcminin sürətlə artması, verilənlərin formatının və tipinin müxtəlif olması və bu verilənlərin emalı üçün tələb olunan sürət, BHV-in ənənəvi  üsullarla idarə olunmasını mümkünsüz edir. BHV erasının verdiyi imkanlardan  faydalanmaq üçün xüsusi yanaşmalar, texnologiyalar və platformaların araşdırılması və istifadəsi zəruridir. Təşkilatçılar, bu səbəbdən diqqəti BHV-ə, xüsusilə verilən mədənçiliyi (Data Mining), verilənlərin analiz üsulları və metodları, maşın öyrənmə üsulları, təbii dil emalı, klaster əsaslı hesablamalar kimi mövzulara yönəldəcəklər.

Tədbirin əsas məqsədi, cəmiyyətdə Böyük Həcmli Verilənlərin (Big Data) gətirdiyi yeni imkanlar və çətinliklər barəsindəki fikirlər formalaşdırmaq, sənaye və dövlət orqanları ilə verilənlərin analizi texnologiyalarının inkişafına dair təcrübələri paylaşmaq, tələbələri və gənc tədqiqatçıları bu sahədə karyera qurmağa və Verilənler Elmi (Data Science) sahəsində tədqiqat aparmağa həvəsləndirməkdir.

Qeyd edilib ki, konfransda İnformasiya Texnologiyası sahəsində yerli və xarici mütəxəssislər iştirak edəcək və tədbir iştirakçılarına BHV imkanları, infrastrukturu, idarə və analiz etmə texnologiyaları barəsində məlumatlar veriləcək.  

 

Məltəm Talıbzadə 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.