Çap maşını klaviaturalı noutbuk təqdim edilib

25-10-2018 / 13:06

Cənubi Koreyanın “Samsung Electronics” şirkəti yeni “Samsung Notebook Flash” portativ kompüter modelini təqdim edib. Qurğunun fərqləndirici cəhəti retro üslubunda dizayn və ən yeni simsiz rabitə standartlarının dəstəklənməsidir.

Xeberler.az  bildirir ki, planet-today.ru saytının məlumattına görə, “Samsung Notebook Flash” noutbukunun klavişləri xarici görünüşünə görə çap maşınını xatırladır. Daha bir maraqlı detal isə əl ilə toxunduqda parçaya oxşayan iş paneli örtüyüdür.

Aparat platformasına görə də çap maşınlarına bənzəyən noutbuk qənaətcil “Intel Pentium N5000” prosessoru və 4 giqabaytlıq operativ yaddaşla təchiz edilib. Sərt diskin həcmi 128 giqabayt, “Full HD” ekranın diaqonalı isə 13,3 düym təşkil edir. Qurğu məlumatları 1,7 Qbit/san sürətlə ötürməyə imkan verən “Wi-Fi” modulu, eləcə də “Bluetooth 5.0” adapteri ilə təchiz olunub.

Cənubi Koreya bazarında qiyməti təxminən 700 dollar təşkil edəcək noutbukun çəkisi 1370 qramdır. Qurğunun avtonom iş müddəti barədə məlumat verilmir.

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.