Samsung iki əməliyyat sistemi ilə işləyən hibrid noutbuku patentləşdirir

26-05-2015 / 20:15

Cənubi Koreyanın “Samsung” şirkəti ABŞ-ın patent idarəsinə (United States Patent and Trademark Office – USPTO) iki əməliyyat sistemindən istifadəyə imkan verən hibrid mobil qurğunu patenləşdirmək üçün müraciət edib.

Xəbərlər-in xarici mətbuata istinadən verdiyi məlumata görə, qurğu smartfon və fabletlər üçün noutbuk formasında dok-stansiyadır. Şirkətdən bildirilib ki, mobil cihaz klaviaturanın üzərində yerləşən xüsusi hissədə quraşdırılacaq. Bununla da smartfondan portativ kompüterin “beyin mərkəzi” kimi istifadə olunacaq.

Qurğu “Android” əməliyyat sisteminin idarəsi altında işləyəcək. Dok-stansiyaya quraşdırılma zamanı “Windows” platformasına keçid gerçəkləşəcək. Mobil cihaz hibrid rejimdə əlavə ekran rolunu oynaya biləcək.

Qeyd edək ki, patentləşdirilən qurğunun satışa çıxarılma tarixi haqqında məlumat verilmir.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.