TƏDBİRLƏR

Dünyaca məşhur ingilis fiziki Stephen Hawking 76 yaşında dünyasını dəyişib.

Xeberler.az xarici mediaya istinadən bildirir ki, bu barədə mərhumun ailə sözçüsü məlumat verib.

Hawking-in uşaqları Lucy, Robert və Tim atalarının ölümüyle bağlı yazılı açıqlamalarında deyib:

“Bu gün sevgili atamızı itirdik. Çox böyük bir alim olan Stephen Hawking ixtiraları və mirası illərlə yaşayacaq möhtəşəm insan idi”.

Qeyd edək ki, Stephen Hawking Albert Einstei-dən sonra ən böyük dahi olaraq tanınırdı.

Xatırladaq ki, Stephen Hawking-ə 1960-cı illərin əvvəllərində 21 yaşında müalicəsi olmayan Amyotrofik Lateral Skleroz (ALS) xəstəliyi diaqonozu qoyulub. Belə ki, zamanla sinir sistemini iflic edən, lakin beynin zehni fəaliyyətlərinə toxunmayan bu xəstəlik Hawking-i təkərli kürsüdə yaşamağa məhkum etdi.

Məşhur alim 1985-ci ildən səsini də itirib. Belə ki, o, yazıları səsə çevirə bilən kompüteri sayəsində insanlarla ünsiyyət qura bilirdi.

Hawking nəzəriyyəsi ilə məşhur olub. Bu nəzəriyyəyə görə, kainat genişlənməkdə davam edir. O, tarixən mövcud olan “Böyük partlayış” nəzəriyyəsini daha da inkişaf etdirib.

Onun kitabları 40 dilə tərcümə edilib. 

Bir müddət öncə Dünya şöhrətli azərbaycanlı alim, qeyri-səlis çoxluqlar nəzəriyyəsinin və qeyri-səlis məntiqin banisi, Kaliforniya Universitetinin professoru Lütfi Zadə sentyabrın 6-da 96 yaşında vəfat edib.

Xeberler.az