İKT TƏHSİL

Xeberler.az bildirir ki, Azərbaycan İnternet Formunun Prezidenti, ekspert Osman Gündüz bu gün Təhsil Nazirliyinin dəvəti ilə Müəllimlərin İşə Qəbulu ilə bağlı imtahan prosesini müşahidəsində iştirak edib. Müşahidədən öncə prosesin gedişi ilə bağlı kspertlə nazir müavini Məhəbbət xanım Vəliyeva və imtahanları təşkil edən İnsan resursları Mərkəzinin rəhbəri Eşqin müəllimlə bir xeyli müzakirələr olub. 

Osman Gündüz qeyd edib ki, eyni zamanda Nazirliyin test imtahanı ilə bağlı tətbiq etdiyi proqram təminatını hazırlayan şirkətin məsul şəxsləri, Məlumat bazaları və serverlərə cavabdeh şirkətin, həmçinin lokal şəbəkənin fəaliyyətinə cavabdeh olan EuroDesign şirkətinin məsul şəxsləri ilə görüşeb. Ekspert Görüşdə onun üçün maraqlı olan suallara da cavab tapıb.

Osman Gündüz təəssüratlarını bölüşərək qeyd edib ki, proses özü kütləvi olduğundan, 50 000 müəllimin bilik və bacarıqlarının qiymətləndirilməsi prosesi ağır bir fəaliyyətdir. Nazirliyin bu prosesi öz resursları, daxili imkanları hesabına ciddi, özünün hazırladığı proqram-texniki resurslar hesabına, ciddi texniki-texnoloji səhvlər olmadan yerinə yetirməsi müsbət haldır. Həmçinin indiyədək bu istiqamətdə rüşvətlə bağlı, sui-istifadə halları ilə bağlı faktların aşkarlanmaması təqdirə layiqdir.
Ümumiyyətlə, müəllimlərin işə qəbulu ilə bağlı TN tərəfindən atılan addımlar və göstərilən səylər təqdirəlayiqdir.

Ekspertin fikrincə imtahan prosesinin təşkilinin çevik və effektiv olmasını demək hələ tezdir. Yüzlərlə müəllim küçədə öz imtahan növbəsini gözləyirdi. Prosesi daha effektiv qurmaq üçün TN səyləri gücləndirməlidir. Müəlimlərin qabaqcadan məlumatlandırma sisteminin effektivliyi yetərli deyil, hər müəllim üçün qabaqcadan oturacaq yerlərinin müəyyən edilərək bu haqda müəllimə mesaj verilməməsini, cavabların şəxsi kabinetə yüklənməməsini də doğru hesab etmək olmaz.
Hazırki vəziyyətdə isə oturacaq yerlərini nömrələmək və ən azı qeydiyyat prosesində random prinsipi ilə kimin harada oturacağını müəyyən etmək elə də çətin olmazdı. 

Osman Gündüz qeyd edib ki, MİQ imtahanlarının gələcəkdə DİM-lə birlikdə keçirilməsi və ya imtahanların təşkili sahəsində dövlət siyasətini həyata keçirən DİM-ə həvalə edilməsi indiki halda gündəmdə deyil. İmtahanların keçirilməsi üçün hazırki vəziyyətdə ciddi resursları (maliyyə, maddi-texniki baza, regional ofislər, texnoloji imkan və s.) yetərli olmayan TN –nin DİM-lə əməkdaşlığı və ya imtahanların gələcəkdə DİM-ə həvalə edilməsi ilə bağlı müzakirələr faydalı ola bilərdi. TN rəsmisi də gələcəkdə buna baxıla biləcəyini istisna etmədi.

Ekspert bildirib ki, TN –nin test bazasını genişləndirməsi, test tapşırıqlarının keyfiyyətinin yaxşıladırılması, test suallarının (doğru və səhv cavabların) imtahandan sonra dərhal şəxsi kabinetə yükənməsi, test sualalrı ilə bağlı vəsaitlərin, proqramların hazırlanması, proqram-texniki təminatın daha da təkmilləşcirilməsi vacibdir. 

Son olaraq başqasının əvəzinə imtahan vermək cəhdi ilə bağlı bu il bir fakt aşkarlanıb. Buna cəhd edən xanımla bağlı iş hüquq orqanlarına verilib. 
DİM -də bu kimi halların qarşısını almaq üçün üz tanıyan texnologiyalardan istifadə edilir , TN- də isə bunu qeydiyyatda işləyən xanımlar həll edir.