Ekspert: MİQ təşkilatçıları öz səhvlərini müəllim və nəzarətçilərin üzərinə atır

14-07-2021 / 17:26
"Təhsil Nazirliyinin İnsan Resursları Mərkəzi açıqlayıb ki, ötən gün keçirilən müəllimlərin işə qəbulu imtahanında namizədlərdən biri sualları imtahan zalından çıxarmağa cəhd edib.
 
Və Nazirlik dərhal da onun nəticələrinin ləğv olunduğunu, hətta barəsində daha ciddi tədbir görüləcəyi, imtahan rəhbəri və nəzarətçinin də cəzalanacağını bildirib. Çox təəccüblüdür və anlaşılan deyil".
 
Xeberler.az bildirir ki, bu sözləri Azərbaycan İnternet Formunun Prezidenti Osman Gündüz deyib.
 
Ekspert bildirib ki, zaman-zaman DİM də abituriyentlərə və şagirdlərə qarşı belə ədalətsiz və haqsız münasibətlər sərgiləyir. İndi görünür ki, Təhsil Nazirliyi də bu fikrə düşüb.
 
Nə üçün Təhsil Nazirliyi imtahandan sonra sualların, məhz cavabların deyil, sualların digərlərinə çatmasından narahatdır?
 
Osman Gündüzün qeyd edib ki, burada iki əsas amil rol oynaya bilər :
 
1. Suallar keyfiyyətsiz hazırlanıb, səhvlər ola bilər və təşkilatçılar maraqlıdır ki bundan xəbər tutulmasın.
 
2. Təhsil Nazirliyinin sual bankı məhduddur və eyni suallardan təkrar istifadə zərurəti var.
 
"Bu səbəblərin heç birisnin müəllimlərə və nəzarətçilərə dəxli yoxdur, bunlar imtahanı təşkil edənlərin problemidir, baş verənlərə görə müəllimin nəticəsinin ləğvi və cəza tədbirləri qanunsuzdur və ədalətsizdir".
 
Ekspert bildirib ki, Təhsil Nazirliyi sualları imtahandan sonra açıqlamalı, onların müzakirəsini təşkil etməli, daha keyfiyyətli sualların alınması üçün resurslar ayırmalıdır:
 
"İmtahanlardan sonra isə köhnə sualların bankı hazırlanıb internetdə yerləşdirilməlidir. Bütün bunlar üçün səylər göstərmək və resurslar xərcləmək əvəzinə günahsızları cəzalandrımaq yolverilməzdir.
 
Əgər Təhsil Nazirliyinin resursları yoxdursa onda zəhmət çəkib hökumətə müraciət olunsun ki, MİQ üçün sual bankı yaratmağa vəsaitlər ayrılsın. Ümid edirəm Təhsil Nazirliyi rəhbərliyi nəzərə alacaq".

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.