TƏHLİL

"Dövlət İmtahan Mərkəzi (DİM) açıqlayıb ki, imtahandan sonra sual kitabçasının şəklini çəkərək sosial şəbəkələrdə yayanlar haqqında araşdırma aparılır. Ciddi dövlət qurumlarından qeyri-ciddi rəsmi açıqlamalar oxuyanda çox təəccüblənirəm və təəssüf hissi keçirirəm".

Xeberler.az bildirir ki, bunu “Multimedia” İnformasiya Sistemləri və Texnologiyaları Mərkəzin rəhbəri Osman Gündüz deyib.

Mərkəzin rəhbəri bu məsələyə görə DİM-i tənqid edib:

"Qurum deyir ki, bu cür qayda pozuntularına yol vermiş şəxslərin nəticələri ləğv olunacaq. O nəhənglikdə DİM imtahandan sonra imtahan suallarını müzakirə edənləri araşdırır. Hansı ki, normalda bunu özü təşviq etməlidir, özü bu sualları dərhal açıqlayıb izahatlar verməlidir.

Bu olmadığından repetitorlar, kurslar, məktəblər imtahandan sonra özləri uşaqlardan soruşub keçmiş imtahanla bağlı sual kitabçasını formalaşdırmaq məcburiyyətində qalırlar.

Burada hansı qanun pozuntusu var, hansı xəta törədilib?

Dövlət resursları hesabına formalaşan və istifadə edilən sual kitabçasının paylaşımında, müzakirəsində hansı hüquq pozuntusu var?

Əgər test bazası yetərli deyilsə, yeni testlər üçün DİM-in pulu yoxdursa, eyni tapşırıqlardan istifadə etmək məcburiyyəti varsa, onda DİM-in təhsil alan və təhsil verənlərə xəbərdarlıq əvəzinə test bazasını gücləndirmək üçün hökumətə əlavə resurslarla bağlı müraciət etməsi daha məntiqli olardı".

O, imtahanlarla bağlı daha bir qaranlıq məqamda da DİM-i günahlandırıb:

Eyni zamanda tövsiyə edərdim ki, bu cür ciddi, oturuşmuş ənənəsi olan, yetərincə peşəkarları olan dövlət qurumu daha ciddi əhəmiyyət kəsb edən işlərə zaman ayırsınlar.

Məsələn, DİM daha doğru olardı ki, informatika müəllimi və İT ixtisası seçənlərdən, nə qədər absurd səslənsə də, kimyadan imtahan götürmək əvəzinə informatikadan imtahan salınması və onun bazasının formalaşdırılması üzərində araşdırmalar aparsın".