MÜSAHİBƏ

Xeberler.az bildirir ki, artıq 10 gündür ki Müəllimlərin İşə Qəbul imtahanları davam edir. İnternet Formunun Prezidenti, ekspert Osman Gündüz də müşahidə prosesində iştirak edərək təəssüratlarını, çatışmazlıqların aradan qaldırılması üçün bəzi təkliflərini irəli sürüb. Ekspert qeyd edib ki, onu daha çox prosesin İT təminatı maraqlandırır. 

Osman Gündüz cavab kartında doğru və səhv cavabların açıqlanmasının vacibliyini vurğulayıb. Əgər proqram təminatı buna imkan vermirsə bu haqda açıqlama verilməli və dərhal təkmilləşmə aparılmalıdır. Cavab kartlarının vaxtında açıqlanması şəffaflığın artırılmasına, neqativ halların və müdaxilə üçün maraqlı tərəflərin də qarşısnın alınmasına kömək edə bilər.

Ekspert onu da qeyd edib ki, test bazası məhdud olduğu halda testlərin açıqlanmaması müəyyən mənada anlaşılandır. Təhsil Nazirliyi bu testlərdən növbəti mərhələdə də istifadə etmək niyyətindədir. Hansı ki bu da doğru yanaşma deyil, gərək Təhsil Nazirliyi bu sahəyə vəsaitlər ayırsın və test bazasını gücləndirsin. Bununla da testlərin açıqlanması problemini həll etmiş olacaq. Onun fikrincə isə, testlərdən fərqli olaraq , sadəcə cavab kartının, cavablardan hansının səhv və ya doğru olmasının indiyədək açıqlanmaması isə doğru yanaşma deyil.