Ekspert: Ermənistan revanş məsələsinə lap aşağılardan başlamaq niyyətindədir

11-11-2020 / 10:21
"Erməni rəsmiləri belə görünür ki, sıfırdan başlamaq niyyətindədirlər. Ermənistan çalxalanır. Paşinyan xəyanətkar elan olunub. Qarşıdakı günlərdə böyük mitinqlər təyin edilib".
 
Xeberler.az bildirir ki, bu sözləri Azərbaycan İnternet Formunun Prezidenti Osman Gündüz deyib.
 
Ekspertin sözlərinə görə, belə bir məqamda təhsil sahəsinə məsul olan erməni rəsmiləri orta məktəbdə İnformatika məsələsinə təcili yenidən baxılmasını təklif ediblər.
 
"Onlar İnformatikanın 2-ci sinifdən tədrisinə başlamağı zəruri hesab ediblər. Hazırda orada İnfotmatika 6-cı sinifdən tədris olunur. Həmçinin "Kompüter elmləri və rəqəmsal savadlılıq" fənləri də orta məktəblərdə tədris olunacaq. Belə görünür ki, Ermənistan revanş məsələsinə lap aşağılardan başlamaq niyyətindədir".
 
 
Hal-hazırda Azərbaycanda tədris olunan İnformatikanın nəticələrinə də toxunan Osman Gündüz qeyd edib ki, bizdə 1-ci sinifdən İnformatika tədris olunmasına baxmayaraq nəticələri hələlik elə də yaxşı hesab etmək olmaz.
 
"Əsas problemimiz odur ki, 11 il İnformatika keçən şagirdimiz yekunda ali məktəb üçün kompüter elmləri ixtisasını seçəndə İnformatikadan deyil Kimyadan qəbul imtahanı verir. Bu isə informatikanın tədrisinə, informatikaya münasibətə olduqca mənfi təsir göstərir.
 
Ümid edirəm qarşıdakı qəbulda Təhsil Nazirliyi və DİM nəhayət ki, bu problemi həll edəcəklər".

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.