E-TİCARƏT

Bu gün elektron ödənişlərə maraq artasa da, əksər istifadəçilər nağd ödənişə daha çox üstünlük verir. Bunun bir səbəbi ənənəvi üsula alışqanlıq olsa da, digər əsas səbəbi isə elektron formada edilən ödənişlərin təhlükəsizlik məsələsidir.

Bunları nəzərə alaraq  qlobal ödəniş texnologiyaları təchizatçısı olan Mastercard şirkəti nağdsız ödəniş həlləri ilə bağlı geniş yayılmış əsatirlərin bir neçəsini araşdırıb və məsələyə aydınlıq gətirmək üçün bu miflərə həqiqətə əsaslanan faktlarla cavab verib.

Xeberler.az Mastercard-ın məsələ ilə bağlı hazırladığı məqaləni təqdim edir:

Mif: Nağd pul ən təhlükəsiz vasitədir.

Həqiqət: Əslində isə nağd pul bütün ödəniş vasitələri arasında ən təhlükəlisidir, çünki oğurlandığı və ya itirildiyi halda başqa birisi heç bir yoxlama tələb olunmadan ondan istifadə edə bilər. Çip və Pin kodlu plastik ödəmə kartları daha təhlükəsizdirlər. Bu kartların əsaslandığı texnologiya bir neçə mühafizə qatına malikdir ki, bunun sayəsində təhlükələr aşkarlanır və qarşısı alınır. Çip və Pin kod texnologiyası davamlı təhlükəsizlik üçün mübarizə aparmağa kömək edən müdafiə qatlarının sadəcə bir nümunəsidir. Mastercard qlobal olaraq tanınır və kart sahibləri nağd pul çıxarmaq istədikdə dünyanın hər yerində öz maaş və ya kredit kartını istifadə edə bilirlər. Elektron ödənişlər nağd ödənişlərlə müqayisədə ən təhlükəsiz vasitə olaraq qalmağa davam edir.

Mif: Mastercard avro valyutasına bağlıdır və məhz bu səbəbdən ABŞ-la müqayisədə Avropada istifadəsi daha məqsədəuyğundur.

Həqiqət: Mastercard-da hesablaşmalar ABŞ dolları və avro ilə yanaşı, 16 regional valyuta ilə də aparıla bilər. Bu isə o deməkdir ki, əgər bankın həm dollar, həm də avro hesablaşmaları mövcuddursa, o zaman əlavə konvertasiyaya ehtiyac olmadan, ABŞ-dakı əməliyyatlar dollarla, Avropada yerinə yetirilmiş əməliyyatlar isə müvafiq olaraq avro ilə həyata keçiriləcək.

Mif: Plastik kartlar təhlükəsiz deyil, çünki itirildikdə və ya oğurlandıqda kartdakı pulu da itirmiş olursunuz.

Həqiqət: Mastercard qlobal olaraq “İtirilmiş və oğurlanmış kartların bildirişi” sistemi vasitəsilə bankı bir neçə dəqiqə ərzində məlumatlandırır. Eyni zamanda, Mastercard kənar şəxslərin müdaxiləsi ilə edilmiş əməliyyatlar üçün kart sahibini məsul tutmur. Kartınızı itirdikdə və ya kartınızın kopyalandığından şübhələndikdə bankınızla əlaqə saxlayıb, “Təcili kart dəyişimi” xidmətindən istifadə edərək iki iş günü ərzində olduğunuz məkanda yeni kart əldə etmək mümkündür. Bundan başqa, dünyanın hər yerində Mastercard və ya Maestro loqosuna malik 22 milyon bankomatdan istifadə edərək nağd pul çıxara bilərsiniz.

Mif: İstehlakçıları onlayn alış-verişdən çəkindirən əsas məqam hələ də təhlükəsizlikdir.

Həqiqət: İlk dəfə onlayn alış-veriş edənlər üçün bu təcrübə o qədər də asan olmaya bilər. Lakin Mastercard SecureCode kimi texnoloji həllər onlayn mağazalara yalnız alıcının bildiyi şifrəni daxil etməyi tələb edir və bununla da onlayn mağazalar daha bir mühafizə qatı əlavə etmiş olurlar.

Şirkət qeyd edir k, bu miflərin həqiqəti əks etdirən faktlarla təkzib edilməsindən sonra müasir ödəniş texnologiyalarından istifadə etməmək üçün bəhanə qalmır.

Günel