Ən yaxşı mobil tətbiq hansıdır? - Ekspertdən açıqlama

21-09-2021 / 16:58
Son zamanlarda dövlət qurumları mobil tətbiqlərin inkişafına daha ciddi yanaşmağa başlayıb.
 
Mobil tətbiqlər dövlət xidmətlərini daha rahat, daha çevik və effektiv formada əldə etməyə imkan verir.
 
Azərbaycan İnternet Formunun Prezidenti, ekspert Osman Gündüz Azərbaycanın Mobil e-Gov bazarında hansı dövlət qurumların tətbiqlərin olmasını, hansı xidmətləri təqdim etməsini, hansının daha çox faydalı olmasını müəyyən etmək üçün qısa bir araşdırma edib.
 
Xeberler.az həmin araşdırmanı təqdim edir:
 
"Əvvəlki illərdə mobil tətbiqlər daha çox informasiya-məlumat yönümlü olaraq hazırlanırdı. Funksionallıq, interaktivlik, xidməti tam əldə etməyə imkan verən hallar bu tip mobil resurslarda olmurdu.
 
Məsələn, "eAgro" ( Kənd Təsərrüfatı Nazirliyi ), "e-Tebib" ( NRYTN- Məlumat Hesablama Mərkəzi ) , "ƏMDK" ( Əmlak Məsələləri Dövlət Xidməti ), "e-Sosial" ( ƏƏSMN ), "MigAz" ( Dövlət Miqrasiya Xidməti ), "Azərişıq", "Azərsu" və s.
 
Son illərdə bir neçə dövlət qurumu daha işlək və funksional, konkret vəzifələri, xüsusilə də kütləvi tələbat olan, populyar xidmətlərə yönəlik mobil tətbiqlər hazırlaya biliblər. Bu istiqamətdə Ədliyyə Nazirliyinin “Mobil Notariat”, Dövlət Gömrük Komitəsinin “Smart Customs”, ASAN-nın resursları və Covid-19 la bağlı yaradılan tətbiqlər daha çox diqqəti cəlb edib.
 
Hazırda 200-dək karqo şirkətinin xarici internet mağazalardan alış-veriş edən yüz minlərlə müştərisi, alqı-satqı və digər notarial hərəkətləri icra edən minlərlə istifadəçi “Smart Customs” və “Mobil Notariat”resursunun üzərində "oturub" daha rahat formada xidmətləri tam olaraq əldə edə bilirlər.
 
Dövlətə məxsus olan, ödəniş funksiyalarını icra edən bir çox mobil tətbiqlər də var ki, onları bank-maliyyə mobil tətbiqləri ilə bir yerdə araşdırmaq daha doğru olardı".
 
Ən yaxşı və faydalı olan, daha çox vacib-populyar olan dövlət xidmətlərini əldə etməyə imkan verən mobil tətbiqlər hansıdır ?
 
Adətən mobil tətbiqləri xarakterizə edəndə aşağıdakı parametrlərə üstünlük verilir :
- funksionallıq
- yüklənmə sayı
- istifadəçi rahatlığı
- aktiv istifadəçi sayı
- reytinq göstəricisi(istifadəçilərin verdiyi rəylər)
- yenilənmə tezliyi
- platformalardakı sıralanma
- təqdim etdiyi xidmətlərin sayı və s.
 
Bu parametrləri nəzərə almaqla, ictimai-faydalılıq və kütləvi tələbatı ödəmə baxımından dövlətə məxsus mobil tətbiqləri aşağıdakı kimi sıralamaq olar:
 
1.Mobil Notariat
(vətəndaşın harada olmasından asılı olmayaraq digər vətəndaşa etibarnamə və ya ərizələrin verilməsi)
 
2. Smart Customs
(gömrük bəyannamələrinin onlayn mühitdə təqdim edilməsi, sərhəd-buraxılışda onlayn növbə və s. xidmətləri almağa imkan verir)
 
3. ASAN növbə
(ASAN-da növbə götürməyə imkan verən yə aktiv istifadə olunan, xüsusilə də pandemiya dönəmində faydalılığı yüksək olan tətbiqdir)
 
4.myGov
(daha çox vətəndaşların fərdi məlumatlaraına baxmağa, bəzi xidmətlərə çıxışa, bəzi məlumatları arayış fromasında telefona yükləməyə imkan verir)
 
5. eSosial
(informasiya –məlumat yönümlüdür)
 
6. eTəbib
(informasiya-məlumat yönümlüdür)

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.