“Forumun məqsədi beynəlxalq innovativ təcrübədən faydalanmaqdır”

18-09-2015 / 13:48

“Bu forumun ölkəmizdə keçirilməsində məqsəd  innovasiyalar sahəsində beynəlxalq təcrübəni öyrənib bu yenilikləri  ölkəmizdə həm dövlət,  həm özəl sektorda tətbiq etməkdir”.

Bunu Xeberler.az-a World Sammit Award müsabiqəsinin ölkəmizdə təşkil olunmasından danışan  Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin informasiya təminatı şöbəsinin rəhbəri Anar Hüseynov deyib.

Anar Hüseynov qeyd edib ki,  forumda iştirak edən  müxtəlif innovativ layihələrin işləri araşdırılacaq və bu layihələr ölkəmizdə də tətbq edilə bilər:

“Forum çərçivəsində  dünyanın hər bir yerindən göndərilmiş 400-ə yaxın tətbiq arasında 40 qalib seçiləcək.  Biz bu layihələri analiz edib, dəyərləndirəcəyik. Ölkəmiz üçün faydalı  olan layihələrlə əməkdaşlıq edəcəyik”.

Hazırda Azərbaycan  Asan xidmətin innnovasiyalar mərkəzi və ADA Universitetinin təşkilatçılığı ilə Bakıda World Sammit Award  forumu davam edir.

İki hisədən ibarət tədbirin I hissəsində  sahibkarlarla xarici ekspetlər bir araya gələrək innovasiya, sahibkarlıq, informasiya cəmiyyəti barəsində öz görüş və perspektivlərini bölüşürlər.

 II hissədə isə dünyanın hər bir yerindən göndərilmiş 400-ə yaxın tətbiq arasında 40 qalib seçilməsi üçün Grand Jury sessiyası baş tutacaq. 21 beynəlxalq ekspert Birləşmiş Millətlər Təşkilatının (BMT) üzvü olan hər bir dövlət tərəfindən World Sammit Award-a göndərilən tətbiqləri dəyərəndirmək üçün Bakıda bir araya gələcək.

Müxtəlif nominasiyalı yerli  layihələrimiz də  forumda təqdimatı olacaq.

Məltəm Talıbzadə

 

 

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə