MOBİL RABİTƏ

Bu gün  mobil telefonlar həyatımızın bir parçasına çevrilsə də, bəzi məqamlar var ki, telefondan istifadə asılıllığımıza diqqət etməliyik.

Bir çoxlarımız telefonlarımıza gecə yatarkən də nəzər yetiririk.

Xeberler.az xarici mediaya istinadən məlumat verir ki, İngiltərədə rəqəmsal məlumatlılığı artırmaq məqsədi ilə təşkil edilən bir konfrans tərəfindən 2 min 750  11-18 yaşında olan gənclər arasında  sorğu keçirilib.

Sorğunun nəticələrinə görə,  45 faiz telefonlarına gecə yatmağa gedərkən də nəzarət edir.

Bu qrupun az qala hamısı ( 94%)  bunu sosial media üçün edir. Məlum olub k, onlar bunu etməsələr, sosial mediada olan hadisələri qaçırdıkları üçün özlərini stress altında hiss edirlər.

Sosial mediadan əlavə, gecə telefondan istifadə edən 75 faiz musiqi dinləyir. Bütün gecə telefon istifadə edən gənclərin üçdə biri ( 32%) ailəsinin bundan xəbərdar olmadığını söyləyir.

Sorğunun nəticələri aşağdakı kimidir:

-68% telefondan gecə istifadə etdiyini və bunu dərslərinə  mənfi təsiri olduğunu deyib

-25% telefonlarından gecə nə qədər çox istifadə etsələr, gün ərzində o qədər yorğun hiss etdiklərini deyib
-42% isə telefonlarını gecə yatağının yanında tutur

İngiltərə Rəqəmsal Xəbərdarlığı Artırma Təşkilatı bütün gənclərə xəbərdarlıq edir:

-Yatmadan 90 dəqiqə əvvəl mobil telefondan istifadəni dayandırın

-Bildirişləri bağlayın, “narahat etməyin” rejimini aktiv edin. Mümkünsə,  telefonu tamamilə söndürün

-Mavi işığa məruz qalmayın. Əksər telefonlarda  mövcud olan mavi ekran filtrindəm istifadə edin.

-Bildirim olmayanda , telefona nəzarət etmə vərdişini dayandırın

-Hər gün nizamlı olaraq telefondan uzaq qalacağınız, söndürmək  üçün müddətləri müəyyən edin və bu qaydaya əməl edin.

-Yatmadan əvvəlki 90 dəqiqədə kitab oxuyun.

Məlahət Hacı