Ölkə ərazisində genişzolaqlı İnternet infrastrukturunun inkişafı üzrə 3 illik Fəaliyyət Proqramı hazırlanıb. Proqramın məqsədi “evlərə optika” prinsipi əsasında hər bir evə 100 meqabayt saniyə sürətlə kanal vermək və 2019-cu ildə genişzolaqlı internet istifadəçisinin sayını 85 faizə çatdırmaqdır.
Bu barədə məlumat verən rabitə və yüksək texnologiyalar nazirinin birinci müavini İltimas Məmmədov bildirib ki, dövlət idarəçiliyinin səmərəliliyinin artırılması, şəffaflığının təmin olunması, onun fəaliyyətində vətəndaşların, ictimai birliklərin, qeyri-hökumət təşkilatlarının geniş iştirakını təmin etmək məqsədi ilə elektron hökumətin tətbiqinə xüsusi diqqət verilir. Artıq 400-dən çox xidmət elektronlaşdırılıb və portal vasitəsilə təqdim olunur. Elektron xidmətlərin alınması üçün 8 milyondan çox portala müraciətlər olunub.
Ümumilikdə, Azərbaycan informasiya-kommunikasiya texnologiyalarının (İKT) inkişaf göstəricilərinə görə inkişaf etməkdə olan ölkələrlə inkişaf etmiş ölkələr arasında qiymətləndirilir. Ümumdünya İqtisadi Forumunun hesabatlarına görə son 10 ildə ölkəmiz dünyanın ən dinamik inkişaf edən iqtisadiyyatına daxil olub, iqtisadiyyatın rəqabət qabiliyyətliliyinə görə dünyada 38-ci yeri, İKT-nin inkişafına görə 49-cu yeri, hökumətin İKT-nin gələcək inkişafına yanaşmasına görə 6-cı yeri tutur. (AZƏRTAC)
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları