Dövlət Gömrük Komitəsi (DGK) sərhəddə müsadirə edilən malların satışı ilə bağlı növbəti hərrac keçirir.
Xeberler.az bildirir ki, bu dəfə hərraca bir sıra məişət əşyaları, çılçıraqlar, qablar, telefonlar və aksessuarlar, parfümlər, xarici içkilər və digər mallar satışa çıxarılacaq.
Satışa çıxarılan mallar arasında «Samsung» telefonları, «Jack Daniels» və «Nemiroff» içkiləri, «Lada», «Datsun», «Renault», «Nissan» avtomobillərinin ehtiyat hissələri var.
Hərracdakı satış qiymətləri həmin malların analoji bazar qiymətlərindən xeyli aşağıdır. Hərracın təşkilatçısı olan DGK-nin Azterminal Komleksindən bildirilib ki, burada satılan telefonların qutusu və aksessuarları olmasa da, onlar yenidir və hələ qeydiyyata alınmayıb. Gömrük hərracları hər ayın sonuncu günü keçirilir. Hazırda elan edilmiş hərrac da aprelin 30-da keçiriləcək. Hərracda iştirak etmək üçün 5-7 gün əvvəldən qeydiyyatdan keçmək lazımdır.
Satışda olan malları isə tək-tək deyil partiya ilə almaq olar. Məsələn, eyni modeldən 5 telefon və ya 6 visk satışa çıxarılıbsa, alıcı bütün partiyanı olmalıdır. Hərracda iştirak üçün əvvəlcədən ilkin satış məbləğinin 5 faizi qədər beh və 0,5 faiz iştirak haqqı ödəmək vacibdir. Hərracda qalib ola bilməyən iştirakçılar behi geri alacaqlar. Hərrac Bakı şəhəri İsmayıl Hidayətzadə küçəsi 156 dəki ünvanında (Montin Bazarının yaxınlığında) keçirilir. Hərracda iştirak edən malların siyahısına buradan baxmaq olar.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri