“İnformasiya Texnologiyaları Akademiyası” layihəsi Tovuz və Şəmkirdə

17-06-2009 / 12:22

“İnformasiya Texnologiyaları Akademiyası” layihəsi çərçivəsində növbəti treninqlər Azərbaycanın Tovuz və Şəmkir rayonlarında keçirilir.

Dünən, hər iki rayonda layihənin açılış mərasimi təşkil olunub. Tədbirə rayonların İcra Hakimiyyətinin, “İrəli” Gənclər Birliyinin nümayəndələri, eləcədə layihənin gələcək iştirakçıları qatılıblar.

Xatırladaq ki, ilk dəfə “İnformasiya Texnologiyaları Akademiyası” layihəsinin təqdimat mərasimi Gəncə şəhərində keçirilmişdir. Respublikanın bütün regionlarını əhatə edəcək proqram tədricən icra olunacaq.Proqram artıq Gəncə, Qazax və Ağstafada reallaşdırılıb. Gəncədə təşkil olunan kursların 270 iştirakçısından 188 nəfəri sertifikat əldə edib. Qazaxda 135 iştirakçıdan 106-sına, Ağstafada isə 134 iştirakçıdan 86-sına xüsusi sertifikatlar verilib.

Məlumat üçün bildirək ki, layihə regionlarında gənclərin, xüsusən gənc müəllimlərin informasiya və kommunikasiya texnologiyaları sahəsində maarifləndirilməsi, ilkin biliklərin formalaşdırılması məqsədi daşıyır.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə