İnformatika üzrə Ümumrespublika Olimpiadası keçiriləcək

27-03-2017 / 17:52

Nəqliyyat, Rabitə və Yüksək Texnologiyalar Nazirliyi, Heydər Əliyev Fondu, Təhsil Nazirliyi və AMEA-nın İnformasiya Texnologiyaları İnstitutunun birgə təşkilatçılığı ilə növbəti dəfə "Ali məktəb tələbələri arasında informatika üzrə Ümumrespublika Olimpiadası" keçiriləcək.

Xeberler.az-ın məlumatına görə, ənənəvi olaraq, hər il iki mərhələdə keçirilən olimpiada 17 May - Dünya Telekommunikasiya və İnformasiya Cəmiyyəti Gününə həsr olunub.

Bu il təşkil olunan ümumrespublika tədbiri sayca 12-cidir.

Olimpiadada hər bir ali təhsil müəssisəsindən maksimum 4 komanda qeydiyyatdan keçə bilər və hər bir ali təhsil müəssisəsinin ən yaxşı nəticə göstərən yalnız 1 komandası ikinci (final) mərhələyə vəsiqə qazanacaq.

Hər komanda 1 nəfər rəhbərdən (müəllim) və 3 nəfər iştirakçıdan (tələbə - bakalavr) təşkil olunmalıdır.

Cari ildə olimpiadanın ilk mərhələsinin 29 aprel, növbəti (final) mərhələsinin isə 6 may tarixində keçirilməsi planlaşdırılır.

Olimpiadada iştirak etmək üçün 21 aprel 2017-ci il tarixinə qədər  buradan qeydiyyatdan keçmək lazımdır.

İlk mərhələ saat 10:00-da Bakı Mühəndislik Universitetində keçiriləcək.

Olimpiadaya gələn komanda üzvləri şəxsiyyət vəsiqəsi və tələbə biletlərini özləri ilə gətirməlidirlər.

Günel


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.