İnternetin məhdudlaşdırılması nə qazandırdı?

13-11-2020 / 14:43

Xəbər verdiyimiz kimi, sentyabrın 27-də Ermənistan silahlı qüvvələrinin törətdiyi genişmiqyaslı təxribatın qarşısını almaq üçün ölkə üzrə internetin verilməsi məhdudlaşdırılmışdı.

Böyük Vətən müharibəsinin başa çatması ilə dünən səhər saatlarından etibarən bu məhdudiyyətlər aradan qaldırılıb.

Maraqlıdır, məhdudiyyətlərin müharibə dövründə faydası oldumu?

Xeberler.az məlumat verir ki, bu barədə açıqlamasında "Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz bildirib ki, məhdudiyyətlərin müsbət tərəfi mənfi tərəfindən daha çox oldu:

"Bundan əvvəl, 2016-cı il Aprel döyüşlərində və digər bu tip döyüşlərdə internetdə dezinformasiya xarakterli məlumatlar yayılırdı. Min cür yalan məlumatlar kollektiv şəkildə paylanılırdı. Amma indi internetin məhdudlaşdırılması ilə videolar, şəkillər bir qədər səngidi. Öncədən bu cür məhdudlaşdırıcı addımların atılması kiminsə həyata keçirmək istədiyi əməllərin qarşısını aldı. Düşünürəm ki, gələcəkdə bu cür addımlar atılsa, Azərbaycanın strateji maraqlarını nəzərə alaraq, beynəlxalq aləmdə "Tvitter"in auditoriyası tamam fərqli olduğu üçün, beynəlxalq aləmdə ictimai rəyi formalaşdırmaq üçün bizə lazım olduğuna görə onu sərbəst saxlamaq olardı. Təbii, biz onsuz da informasiya müharibəsində böyük uğurlar əldə etdik. Hesab edirəm ki, öncədən "Tvitter"ə belə məhdudiyyətlər qoyulmasa, daha yaxşı olardı".

O.Gündüzün sözlərinə görə, dezinformasiyaların yayılmasının qarşısının alınmasında vətəndaşların da əhəmiyyətli rolu oldu:

"Həm də güclü həmrəylik yarandı, maarifçilik getdi. Əvvəlkindən fərqli olaraq kimsə sosial şəbəkdə şübhəli məlumat yayan kimi, dövlətdən qabaq, vətəndaş cəmiyyəti onun qarşısında dururdu. Vətəndaş mövqeyi, ictimai qınaq da dezinformasiyanın yayılmasının qarşısında dayandı".


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə