“Kimin cibində şəxsiyyət vəsiqəsi varsa, elektron imzası da var”

09-12-2014 / 18:01

Prezident İlham Əliyev Azərbaycanda yeni nəsil şəxsiyyət vəsiqəsinin tətbiqi ilə bağlı əlavə tədbirlər haqqında sərəncam imzalayıb.

Sərəncama əsasən, Rabitə və Yüksək Texnologiyalar Nazirliyi yeni sertifikat xidmətləri mərkəzinin və onun ehtiyat mərkəzinin yaradılmasını təmin etməli, vəsiqə sahibinin gücləndirilmiş elektron imza ilə təmin edilməsini üçün infrastruktur yaratmalıdır.

Xeberler.az-a açıqlama verən Azərbaycan İnternet Forumun prezidenti Osman Gündüz hesab edir ki, bu sərəncam vətəndaşların elektron hökumətdən yararlanmasını sürətləndirəcək: “Uzun müddətdir Azərbaycanda elektron imzanın yayılması, elektron imzadan istifadə ilə bağlı problem yaşanırdı. Elektron imzanı yalnız elektron imza sertifikatı olan qurumdan almaq mümkün idi. Bu da bir qədər çətinlik yaradırdı. Amma prezidentin sərəncamında birmənalı göstərildi ki, yeni şəxsiyyət vəsiqəsi veriləndə, elektron imza artıq onun daxilindəki çipdə olacaq. Düşünürəm, bu böyük üstünlük, hətta inqilabdır. Yəni, kimin cibində şəxsiyyət vəsiqəsi varsa, elektron imzası da var. Elektron imza üçün heç yerə getməyə ehtiyac yoxdur . Elektron imza ilə təklif olunan istənilən xidmət, hətta notarial xidmətlərin də bir hissəsi məhz bu sistem vasitəsilə reallaşacaq”.

AİF prezidenti qeyd edib ki, elektron imzanın verilməsi ilə ölkədə bir neçə qurum məşğuldur: “ Prezidentin adı çəkilən sərəncamı ilə vətəndaşlara imza sertifikatlarının verilməsi isə birbaşa Rabitə və Yüksək Texnologiyalar Nazirliyinə tapşırılıb. Hazırda bildiyim qədər Nazirliyin Məlumat Hesablama Mərkəzində bu istiqamətdə işlər gücləndirilib. Əgər elektron imza məsələsi tezliklə öz həllini tapıbsa, xidmətlərin əksəriyyəti də tam elektron formada həyata keçiriləcək. Dövlət qurumları artıq elektron imza vasitəsilə reallaşdırıla bilən xidmətlərin sayını sürətlə artıracaqlar”.

Artıq Rabitə və Yüksək Texnologiyalar Nazirliyi dövlət başçısının yeni şəxsiyyət vəsiqələrinin hazırlanması üçün verdiyi sərəncamın icrasına başlayıb. 

 

Mirvari Nəcəf


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə