Ekspert şəxsiyyət vəsiqəsindəki elektron imzanın rüsumundan danışdı

01-09-2018 / 12:15

Bu gündən Azərbaycanda vətəndaşlara yeni nəsil şəxsiyyət vəsiqələrinin verilməsinə başlanılır.

Xeberler.az-a açıqlama verən Azərbaycan İnternet Forumunun prezidenti  Osman Gündüz məsələylə bağlı bəzi məqamlara toxunub:

"Yeni nəsil elektron şəxsiyyət vəsiqələri ilə bağlı, belə görünür ki yalnız bir problem qalıb. NRYTN tərəfindən vəsiqədə yerləşdirilən vətəndaşın elektron imza sertifikatından istifadə ilə bağlı rüsum haqqında heç bir məlumat yoxdur. Qaydalara görə bu sertifikatlar vəsiqədə ilkin vəziyyətdə qeyri-aktiv formada olacaq. Onun aktivləşdirilməsi vətəndaşın arzusu ilə gerçəkləşəcək. Vəsiqədəki elektron çipdə yerləşdirililən sertifikatların müddəti isə 5 ildir. Qısa bir araşdırma ilə gömək olar ki ötən günlər elektron imzanın aktivləşməsinin pulsuz olması ilə bağlı xəbərlər saytlardan yığışdırılıb. Buradan belə qənaətə gəlmək olar ki hələ də NRYTN-nin bununla bağlı yekdil bir qərarı yoxdur.

Ekspert eyni zamanda prosesin ASAN imza ilə bağlılığından danışıb:

"Düz 5 ildir hazırlıq gedən bir prosesdə NRYTN –da bu sahəyə məsul şəxslər hələ də rüsumun illik olması, aktivləşmə üçün olması və ya elektron imzadan hər istifadə sayına görə olması haqqında yekun bir qərara gələ bilməyiblər.
Eyni zamanda düşünürəm ki bəlkə də əvvələr belə bir qərar olub. Amma sonradan baş verənlər bu qərara yenidən baxılmasını zəruri edib. Belə ki, bir müddət öncə ASAN imza ilə bağlı aylıq abunə haqqı Best Solution şirkəti tərəfindən birdən-birə əsassız olaraq 150% qaldırılıb və bununla bağlı Prezident səviyyəsinədək müraciətlər olub.  Bu artım, kimlərinsə hər ay dövlət layihəsindən 0.5 milyon manat vəsait qazanması deməkdir. Digər tərəfdən də belə bir zamanda Prezident Fərmanı əsasında ortaya yeni şəxsiyyət vəsiqələrindəki imza bundan öncə də vurğuladığımız kimi elektron imza bazarında rəqabətli mühitin inkişafına təkan verməli idi. Ola bilər ki, ASAN imza xidmətinin yeni yaranan mühitdə elektron imza bazarında tab gətirməsi üçün kimlərsə maraqlıdır və onlar da yeni şəxsiyyət vəsiqələrindəki imzanın həmin qiymətə uyğunlaşdırılmasını istəyirlər."

Osman Gündüz son olaraq  hər iki elektron imzanın dövlət layihəsi olduğunu və dövlət hesabına formalaşdığını qeyd edərək bildirib:

" Fikrimcə, yeni şəxsiyyət vəsiqələrindəki elektron imzadan istifadə ya tamamilə pulsuz və ya simvolik qəpik-quruş səviyyəsində bir məbləğ olmalıdır."


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.