Mobil qurğu istifadəçilərinin sayı 5,5 milyardı ötəcək

20-07-2017 / 10:55

Dünya mobil telefonlar bazarının həcmi ən yüksək həddə çatıb və bununla əlaqədar burada gələcək artım birrəqəmli göstərici ilə məhdudlaşacaq.

Xeberler.az NRYTN-in elektron xəbər ximətinə istinadən məlumat verir ki,  bu barədə Forrester Research analitik şirkətinin hesabatında deyilir.
 
Bu yaxınlarda aparılan tədqiqatda 2017-ci ildə dünyada mobil qurğu istifadəçilərinin sayının 2016-cı ildəki 4,8 milyard nəfərdən 4,9 milyard nəfərədək artacağı, 2022-ci ilədək isə bu göstəricinin 5,5 milyard nəfəri üstələyəcəyi qeyd olunur.

Mütəxəssislərin hesablamalarına görə, cari ildə smartfonlardan istifadə edən mobil abunəçilərin sayı 2,8 milyard nəfər təşkil edəcək, daha 1 milyard istifadəçi isə "feature phone" tipli qurğularla kifayətlənəcək.

Proqnoza görə, beş ildən sonra smartfonların qlobal miqyasda nüfuzetmə səviyyəsi 67 faizə çataraq 2013-cü ildə qeydə alınan 21 faizlik göstərici ilə müqayisədə təxminən 3 dəfədən çox artacaq. Dünyada təxminən 3,8 milyard nəfərin smartfondan istifadə edəcəyi, "feature phone" sahiblərinin sayının 433 milyonadək azalacağı gözlənilir.  

Həmçinin ekspertlər vurğulayır ki, planşetlərin bazar payı azalmaqda davam edir. Belə ki, bazarda onların payına iriölçülü smartfonlar sahib çıxır.

Bu tendensiya xüsusilə smartfonların çox vaxt internetə çıxış üçün yeganə qurğu olduğu Çin, Hindistan, İndoneziya və Afrikada geniş yayılıb. İnsanlar böyük smartfonlar vasitəsilə videoya baxmağın və sosial şəbəkələrə daxil olmağın daha rahat olmasına görə onlara üstünlük verirlər.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.