Müəssisələrdə İKT-dən necə istifadə olunur?

24-12-2015 / 11:26

Daha əvvəlki yazılarımızda Azərbaycanın əsas İKT göstəricilərinə görə öz qonşuları ilə müqayisəsiniev təsərrüfatlarında informasiya və kommunikasiya texnologiyalarının mövcudluğu, istifadə haqda statistik məlumatlardan bəhs etmişdik.

Bu dəfəki yazımızda isə müəssisələrdə mövcud olan informasiya və kommunikasiya texnologiyalarından, onlardan istifadə haqda bəhs edəcəyik.

2014-cü ildə müəssisələrdə olan kompüter sayı 2010-cu ilə nisbətən 107 min 300 artaraq 253 min 600-ə çatıb. İnternetə qoşulmuş kompüterlərin sayı isə 154 min 130-dur. Yəni, müəssisələrdə olan kompüterlərin 60.8 faizi internetə qoşulmayıb.

2014-cü ildə ölkədəki müəssisələrin 58.6 faizi kompüterdən istifadə edib. Burada əsas pay isə işçi sayı 50-dən yuxarı olan müəssisələrə düşür. Kompüterlərdən ən az istifadə olunan müəssisələr isə işçi sayının 5-dən az olduğu müəssisələrdir:

Fəaliyyət göstərən müəssisələrin yalnız 45.7 faizində internetdən istifadə edilib. Burada da yenə əsas pay işçi sayı 50-dən yuxarı olan müəssisələr düşür. İnternetdən ən az istifadə olunan müəssisələr isə eynilə işçi sayı 5-dən az olanlardır:

Müəssisələrdə kompüterdən istifadə etmiş işçilər ümumi işçi sayın nisbəti 32.4 faiz, internetdən istifadə etmiş işçilərin isə faizlə nisbəti 24.2 faizdir:

Kompüterdən və internetdən istifadə etmiş işçilərin gender bölgüsünə baxdıqda kişilərin qadınlara kiçik fərqlə üstünlük etdiyini görürük:

2014-cü ildə internetə çıxışı olmuş müəssisələrin kompüterdən istifadə etmiş müəssisələrin sayında xüsusi çəkisi 78.1 faiz olub.

Müəssisələrin internetə qoşulma növlərinə görə bölgüsünə baxdıqda görürük ki, dial-up modemlərdən istifadədə kəskin azalma, əvəzində isə genişzolaqlı internet qoşulmalarında artım görürük:

Ümumi olaraq müəssisələrdəki informasiya və kommunikasiya texnologiyalarının mövcudluğu, onlardan istifadə haqda bunu demək olar ki, ölkədəki müəssisələrin təxminən 60 faizi kompüterdən, 46 faizi isə internetdən istifadə edib. Müəssisəslərdəki işçilərin isə yalnız üçdə biri kompüterdən və beşdə biri internetdən isitfadə edib.

Belə deyə bilərik ki, bu rəqəmlər müəssisələrimizin təkcə informasiya və kommunikasiya texnologiyalarının tətbiqindən geridə qaldığını yox, eyni zamanda onların qazandırdığı fayda və imkanlarda da məhrum olduğunu göstərir.

 

Qeyd edək ki, bu müəssisələrə kənd təsərrüfatları və işçilərinin sayı beşdən az olan ticarət obyektləri daxil deyil.

Murad Məmmədzadə 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.