Nokia X-nun texniki xüsusiyyətləri açıqlanıb

12-05-2018 / 11:37

Finlandiyanın Nokia brendli smartfonların buraxılışı ilə məşğul olan HMD Global şirkəti tezliklə qabaqcıl Nokia X (Nokia X6) smartfonunu nümayiş etdirəcək.

Xeberler.az NRYTN-in elektron xəbər xidmətinə istinadən məlumat verir ki,   , Nokia X smartfonu takt tezliyi Snapdragon 636 prosessoruna uyğun prosessorla təchiz ediləcək.

Smartfon Nokia 6 (2018-ci ildə buraxılan və zəif Snapdragon 630 prosessoru ilə təchiz edilən) və Nokia 7 plus (Snapdragon 660) modellərinin texniki xüsusiyyətlərini özündə birləşdirəcək.

Agentliyin məlumatına görə, Nokia X bir neçə versiyada buraxılacaq. Belə ki, alıcılara 3,4 və ya 6 giqabayt tutumlu operativ yaddaşa malik modellər təklif olunacaq.

Quraşdırılmış yaddaş 32 və ya 64 giqabayta bərabər olacaq. Ekranın diaqonalı 5,8 düym, tərəflərinin nisbəti 19:9, təsvir ölçüsü isə 2280x1080 piksel təşkil edəcək. Qurğu qabaritlərinə görə Nokia 6 (2018) modelinə oxşar (147,2x71x8 millimetr) olacaq.

Smartfon 16 meqapikselli əsas və ön olmaqla iki kamera ilə təchiz ediləcək. Çıxarılmayan batareyanın tutumu 3 min milliamper/saat təşkil edəcək. Smartfonun ABŞ-da 250 dollara satışa çıxarılması nəzərdə tutulur.

Nokia X smartfonunun təqdimatı mayın 16-na planlaşdırılır.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.