Ötən ay ən çox hansı elektron xidmətdən istifadə edilib?

09-03-2016 / 13:37

“Elektron hökumət” portalı (www-e-gov.az)  üzərindən fevral ayında ən çox istifadə edilən elektron xidmətin adı məlum olub.

Məlumat Hesablama Mərkəzindən Xeberler.az-a verilən məlumata görə, ötən ay  portal vasitəsi ilə ən çox Əmək və Əhalinin Sosial Müdafiəsi Nazirliyinin (ƏƏSMN) “Əmək müqaviləsi bildirişlərinin qeydiyyata alınması və bu barədə işəgötürənə məlumatın verilməsi” xidmətinə müraciət edilib.

E-xidmətlərdən fevral üzrə istifadə statistikasına görə ilk pillədə qərarlaşan bu xidmətdən bir ayda 180061 dəfə istifadə olunub.

“Elektron hökumət” portalı üzərindən sözügedən xidmətdən yararlanmaq üçün gücləndirilmiş imza sertifikatları ilə autentifikasiya (tanıma, identikləşdirmə) vasitələrindən istifadə tələb olunur.

Qeyd edək ki, əmək münasibətlərinin elektron qeydiyyatı əmək hüquqlarının təminatına dövlət nəzarəti mexanizminin təkmilləşməsinə, işçilərin gələcək sosial, habelə layiqli pensiya təminatı üçün etibarlı hüquqi əsasın formalaşmasına, sosial sığorta haqları və s. daxilolmaların artmasına yönəlib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.