Bu il planşetlərin tədarük həcminin azalması rekord həddə çatacaq

07-09-2016 / 13:44

IDC analitik şirkəti 2016-cı ildə dünya planşetlər bazarında azalmanın rekord səviyyəyə - 11,5 faizə çatacağını və dünyada 183,4 milyon planşet satılacağını proqnozlaşdırır.

Xeberler.az RYTN-in elektron xəbər xidmətinə istinadən məlumat verir ki, analitiklər artımın yalnız 2018-ci ildə baş verəcəyini, 2020-ci ildə isə illik satışın 194,2 milyon təşkil edəcəyini ehtimal edirlər. Həmçinin “Android” sistemli planşetlərin payının 66,2 faizdən 57,8 faizədək azalacağı, iOS platformalı planşetlərin 22,4 faizdən 22,9 faizədək, Windows sistemli planşetlərin isə 11,3 faizdən 19,3 faizədək artacağı güman olunur.

Bildirilir ki, klaviaturaların qoşulduğu planşetlər tədricən bazarda ənənəvi fərdi kompüterləri sıxışdırmağa başlayacaq. Windows və iOS platformalı planşetlər arasında artıq bu sinfin keyfiyyətli modelləri var, “Android”in çoxfunksiyalılığının dəstəklənməsi təkmilləşdirilən və yeni təhlükəsizlik funksiyaları ilə təchiz edilən yeni versiyasının işıq üzü görməsi ilə bu sistemlə işləyən rəqabətqabiliyyətli planşetlər təqdim ediləcək. Əksər hissəni adi planşetlər təşkil etsə də, 2020-ci ilədək onların payı 2016-cı ildəki 85 faizdən 68 faizədək azalacaq.

Bundan başqa, böyükekranlı planşetlərin payı artacaq. 2016-cı ildə satılacaq planşetlərin 55 faizinin ekran diaqonalı 9 düyüm və daha kiçik olduğu halda 2020-ci ildə onların payı 40 faizə enəcək. İstehsalçılar onları çox ucuz qiymətə satmağa başlayacaqlar ki, bunun da nəticəsində gəliri ancaq kütləvi istehsal və ya Amazon kimi platformanın mövcudluğu sayəsində əldə etmək mümkün olacaq.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.