E - HÖKUMƏT

Bilasuvar İcra Hakimiyyətinin (İH) vəzifəli şəxslərin qəbuluna online yazılmasına başlanılıb.

Xəbərlər-in məlumatına görə, bu barədə Biləsuvar İH-nin kadrlar şöbəsinin əməkdaşı Selvin Şükürlü MHM-in bu gün keçirilən brifinqində bildirib.

"Bu günə qədər  Biləsuvar İcra Hakimiyyətinin elektron  portalına 20 vətəndaş  müraciət ünvanlayıb və onların müraciətləri  də elektron formada həll olunub”.

Onun sözlərinə görə, bundan sonra  elektron portalın vətəndaşlara  tanıdılması ilə bağlı ilə təbliğat aparılacaq:

“Bu istiqamətdə reklamlar təşkil olunacaq və   icra nümayəndələrinə,  inzibati  işçilərə tapşırıqlar veriləcək ki,  rayonun kəndlərində yaşayan vətəndaşlara portal barədə ətraflı məlumat versinlər”.

Selvin Şükürlü onu da qeyde dib ki,  Biləsuvardan olan , lakin Bakıda yaşayan və işləyən vətəndaşlar ailə tərkibi ilə bağlı arayışı da elektron portal vasitəsi ilə əldə edə biləcəklər:

“Bu arayışları  icra nümayəndləri verir. Buna görə, biz nümayəndələr üçün təlimlər təşkil edəcəyik. Bundan sonra vətəndaşlar arayışla bağlı müraciətlərini elektron formada ünvanlayacaq və nümayəndəliklər onların müraciətlərini  elektron  formada cavablayacaq”.

O qeyd edib ki, gələcəkdə qəyyumluqla, azayaşlıllara çatan payın özgəninkiləşdirməsi,  torpaq və tikinityə verilən rəylər də elektro portal vasitəsi ilə həyata keçiriləcək.

Onun sözlərinə görə, gələn aydan bu fəaliyyətlər portal üzərindən həyata keçiriləcək.

Məltəm Talıbzadə