TENDER

Cənubi Koreyanın Samsung şirkəti mənzil-qərargahında çalışan əməkdaşlarının 10 faizini ixtisar etmək niyyətindədir.

Xeberler.az-ın RYTN-in rəsmi saytına istinadən verdiyi məlumata görə, iş yerlərinin ixtisarı şəxsi heyətinin idarə olunması, ictimaiyyətlə əlaqələr xidmətlərində, eləcə də maliyyə şöbəsində aparılması planlaşdırılır.

Şirkətin ötən rübün hesabatına əsasən, 30 iyun 2015-ci il tarixinə görə, mənzil-qərargahda 98,999 min nəfər işləyib. Beləliklə, Samsung əməkdaşların 10 faizini işdən azad edəcək.

Nomura Holdings şirkətinin analitiki Çunq Çan Vonun fikrincə, Cənubi Koreya istehsalçısı bununla xərclərin azaldılması üçün ən sadə üsuldan istifadə edir. “Şirkət həmçinin mobil biznes üçün xərcləri azalda bilər”, - o əlavə edib.

Bildirilir ki, şirkət növbəti ildə də bir sıra digər xərcləri azaltmaq niyyətindədir. Lakin Samsung nümayəndələri bu məlumatı rəsmən təsdiq etməyiblər.

Samsung-un II rübdə qlobal smartfon bazarında payı 3 faizdən çox azalıb və bununla şirkət Çin bazarında satış həcminə görə liderlik statusunu itirib.

2014-cü ildə şirkətin mədaxili 206,2 trilyon von (171 milyard dollar) təşkil edib və rəyi soruşulan ekspertlərin fikrincə, 2015-ci ildə bu göstərici 200,2 trilyon vonadək azalacaq.

Cari ilin əvvəlindən Samsung-un səhmlərinin dəyəri 15 faiz ucuzlaşıb.

Xeberler.az